M9+ 極光版賣價搶先報!Sony M5 大鋪即減,21MP 像素相機大戰你點揀?

Lawrence 2015-10-12 19:13 | HTC
上星期版主就同大家提過, HTC 下半年度在香港推出的旗艦好可能只係得返 HTC One M9+ 極光版(因為 Butterfly 3 來港機會不大),而呢部 HTC 下半年主力旗艦係聽日( 14 號)就會發佈。雖然不少網友都覺得 M9+ 極光版係外型上吸引力不大,但版主剛剛就收到呢部機賣價的資料,看來有驚喜,一齊來睇睇!

//timgm.eprice.com.hk/hk/mobile/img/2015-10/12/203534/lawrencelaw_1_4542_8e788645c544d20771191eeb16a5ebe8.jpg

版主收風:HTC M9+ 極光版賣價已定,有無比想像中平?

首先爆左 HTC M9+ 極光版賣價先!有關呢部新機大家可以視之為 HTC 經歷不斷的嘗試後終於修正好相機表現問題的「真。旗艦」。大抵上 HTC M9+ 極光版承襲左 M9+ 主要的規格,有 5.2 吋 2K 解像度屏幕,處理器就係 MTK Helio X10 八核心 2.2GHz 處理器配 3GB RAM 以及 32GB 內置容量,亦可以支援 microSD 卡。但係相機方面, HTC 終於放棄左被批評得體無完膚的 東芝 T4KA7 感光元件,改用左支援相位對焦以及光學防手震的 Sony IMX230 感光元件。由之前的評測可以見到 M9+ 極光版同上半年推出的 One M9 相比進步左唔少,起碼叫追得上其他大廠旗艦先。

雖然 M9+ 極光版係相機上有進步,但整體來講始終呢部機都只係 M9+ 的小改版,係定價上都不能 set 得太高。版主就收到風,呢部機定價大約為 $4998 ,賣價唔過五千,但係發售日期仍然未有確切的消息,大家要留意聽日 HTC 在港的發佈會啦!

HTC Butterfly 3、M9+ 極光版 雙機發表,台灣十月上市
▲老實講,版主個人更想 Butterfly 3 到港啦,因為 M9+ 極光版在外型上同 M9+ 其實一樣,無乜新鮮感。從上圖大家分得出 M9+ 極光版以及 M9+ 的分別嗎?

(其實兩部都是 M9+ 極光版icon~)


性價比鬥贏 M9+ 整光版? Sony Xperia M5 (曾經)大鋪即減!

雖然 M9+ 極光版係相機方面有不少改善,但其實 Sony IMX230 感光元件一早已經應用左係 Sony 自家產品身上,而呢部更加係甚有「旗艦殺手」感覺的 Xperia M5 。係規格上 M5 對比起 M9+ 極光版都唔會好輸蝕,有 5 吋 FHD 芒,一樣係Helio X10 八核心處理器同埋 3GB RAM ,內置容量就係 16GB 。係相機方面主鏡頭一樣有 2150 萬像素以及支援相位對焦,電量就係 2600mAh 。

作為一部價錢定位係中階的手機,其實 M5 規格已算不俗,係價錢方面近日更有大鋪減左兩百,只係賣 $3498 。不過有一點奇怪嘅就係 Xperia M5 版主係昨天( 12 號)係一間大鋪見過有標「特價發售」之後,到左今日(13號)再到大鋪時竟然變返原價賣。情況相近嘅仲有 Xperia Z3 ,之前版主都提過呢部機減左 $300 ,但今日價錢又變返 $3998 ,真係耐人尋味呢!

如果想買行貨的朋友又唔需要擔心,雖然係大鋪 M5 同 Z3 都無左減價,但在有賣行貨的細鋪仍然係大平的,好似 Xperia M5 價錢都仲係 $3050 左右,未有大變動。 M9+ 極光版同 Xperia M5 兩部機同樣係以相機主鏡頭作為賣點,但因為兩部機在定位以及規格方面都唔同,所以在價錢上相差都有一段距離,大家又覺得邊部機更有吸引力呢?留言講講吧!

//timgm.eprice.com.hk/hk/mobile/img/2015-10/12/203534/lawrencelaw_3_4542_f50155401671bdb334e9fbec48fa3b76.jpg
▲Xperia M5 一直維持在 $3698 呢個價位,近日終於小減 $200 啦!

最後入手機會?Sony Xperia Z5 開賣, Z3 大鋪即減抵唔抵?
上星期開始有減價的 Xperia Z3 到左今日,價錢都無啦啦升返去 $3998 了。

在文章發佈時,HTC One M9+ 極光版發售日期未定,按此看手機詳細規格及最新賣價
在文章發佈時,Sony Xperia M5 賣價為 $3698 ,按此看手機詳細規格及最新賣價

最新新聞