大鋪全力清貨， HTC One M9 又有新低價！
不少大鋪近來積極將 HTC 於上半年推出的手機劈價清貨，而當中最誇張的要數唯一一部用上 S810 處理器的 HTC One M9 。早兩日百老匯率先出手，一下子將 M9 來個半價清貨大促銷，價錢只係 $2898 ，係性價比上面即時爆升！不過，從近日網上不少消息所指，百老匯不少分店已經成功清貨，入手難度隨之而提高左。好在，另一大鋪都不甘示弱，今日有網友提到衛訊用更激的減價去回應百老匯清貨，將 M9 價錢推至新低點（唔計早前只限中移客戶的 M9 清貨價）。價錢方面， HTC One M9 在衛訊的價錢只係 $2798 ，比起百老匯平一百蚊之餘，灰色、金包銀以及金色三隻都有減。不過貨量預計唔會好多，應該同百老匯一樣清曬就無，如果覺得價錢 OK 的朋友要快手了。順便一提，昨日 HTC 香港正式為 M9 推出左 5.1 的升級，加入左 VoLTE 功能，相信係吸引力上都提高左嘅。
Sony Xperia Z3+ 行貨價即減兩千，算唔算抵玩？
話明係 S810 旗艦劈價戰，有減價的又點止 HTC One M9 ？之前同大家提過，係衛訊已經無影但在其他分店仍有賣的 Sony Xperia Z3+ 都有減價！雖然未及 M9 半價清貨咁誇，不過價錢可能都跌穿左唔少朋友的心理關口。係仍然有賣 Z3+ 的百老匯，價錢已經由早前的 $4298 減至而家 $3998 ，跌穿左四千蚊！不過，如果想要平更多的話， Z3+ 係細鋪的賣價就真係做到比起原價平兩千了，版主留意到有細鋪而家可以做到現金價 $3698 ，雖然以價錢來計未能做到好似 One M9 一樣「出色」，但都可以留意下。另外，有網友提到想了解下 Z3+ 未來有沒有機會透過更新來獲得好像 Xperia Z5 一樣的在 Auto 模式上用到 2000 萬像素呢個功能。版主早前問過， Sony 香港回應係目前未有更新計劃住，相信下一次 Z3+ 的 Update 就會係 Android 6.0 ，但相信係在 Superior Auto Mode 加入 2000 萬像素選項機會不太大。
▲係衛訊， One M9 已經由 $3598 呢個價錢改為「特價發售」，價錢也比起百老匯平呢！
▲ 隨住 Z5 系列的推出， Sony Xperia Z3+ 而家都只能減價清貨了，價錢大家又點睇？
▲表面上，呢間 Sony 認可的細鋪價錢係 $4298 ，但一問之下原來現金價都係 $3698 ！
LG G Flex 2 中移動還未清晒貨？
提到 S810 手機減價，版主實在忍唔住又要再講下 LG G Flex 2 。呢部機早排係中移動清貨時，以 $1980 呢個賣價促銷，價錢最平 S810 行貨呢個稱號當之無愧！近日，網上有消息指 G Flex 2 係中移動原來仍未清晒貨，仲係可以用 $1980 呢個價錢買到！（當然只係客戶享有）版主即時撲出旺角睇睇，結果都係撲個空⋯⋯ 而係蘇寧方面， G Flex 2 的價錢都未有變，仍然係要 $2798 ，同而家的 M9 同價。唔知大家覺得呢幾部 S810 旗艦機邊個價錢最吸引呢？留言講講吧！
▲G Flex 2 雖然有蘇寧分台標價 $3198 ，但一問之下都做到 $2798 。
在文章發佈的時侯， HTC One M9 賣價為 $2798，按此看詳細規格及最新賣價。
在文章發佈的時侯， Sony Xperia Z3+ 賣價為 $3998，接此看詳細規格及最新賣價。
在文章發佈的時候，LG G Flex 2 賣價為 $2798 ，按此看詳細規格及最新賣價。