又係 3HK ！價錢平更多， HTC One A9 千元價位大平賣！
上兩星期 Smartone 網店開張，將 HTC One A9 同 Samsung 舊代旗艦 Note 4 、 Note Edge 等手機大劈價，以「超級優惠」價錢平賣，當中 One A9 3GB RAM 版本價錢由定價 $4498 即減至 $2249 ，平左一半，唔少網友即時大呼抵玩！不過，呢排每星期都有一個「快閃淨機優惠」的 3HK ，清貨決心看來更大， Samrtone 都只係將 A9 賣價減半，但 3HK 就做到即減 $2500 。今次 3HK 「快閃淨機優惠」的主角 HTC One A9 同樣係 3GB RAM 以及 32GB 內置容量的高階版本。賣價方面就由 $4498 減至 $1998 ，足足減左 $2500 。以價錢來講，而家大家都好難搵到兩千有找買到 One A9 的方法，大鋪價錢仲要三千多，而半價平賣的 Samrtone 價錢雖然相近，但版主今日再留意過，都仲係無貨。換句話講，一直等緊以最抵玩價錢入手 One A9 的朋友，而家係時候了！
再講多少少「快閃淨機優惠」細節，大家都知呢個淨機優惠數量有限，今次 One A9 就限量 50 部。而活動日期都係星期六（今次係 2 月 13 號年初六）舉行，地點都係銅鑼灣景隆街 1 號的 3HK 門市，時間就係上午 10 時 30 分（開鋪時間）。其實， HTC One A9 由 11 月中開賣到而家都未足三個月，實在好難預料到咁快就會有接近四折的大減價，唔知大家又覺得到左千元價位， One A9 算唔算超抵玩呢？留言講講吧！
▲ 其實 Smartone 賣 $2249 呢個「超級優惠」價錢都已經好有吸引力，想唔到話咁快有人平過佢。
▲ One A9 的外型亦是重要賣點，所以 HTC 都推出左唔少顏色，但要後意係 3HK 今次優惠只有金、銀、灰三隻色可選，沒有「石榴紅」同粉紅色。
3HK 「快閃淨機優惠」詳情：
優惠內容：HTC One A9 「即減二千五」賣 $1998活動日期: 2016 年 2 月 13 日
活動時間: 上午 10 時 30 分
活動地點: 銅鑼灣景隆街1 號地下A及D舖
* HTC One A9 限售 50 部，每名客戶限買一部，名額有限，送完即止。
在文章發佈時，HTC One A9 32GB 版本價錢為 $3498 ，按此看手機詳細規格及最新賣價。