HTC One M10 美國發佈日子要 5 月?會唔會太遲?
HTC 新旗艦目前有的消息唔多,只係知佢代號「Perfume」,可能會用 5.2 吋 2K 解像度屏幕等等。係 Samsung Galaxy S7 已經有埋新機照+渲染圖,而 LG 確認 G5 會係 MWC 登場兼且主動爆有關 G5 的資料的時候, One M10 就要係 4 月先發佈。從發佈日期再參照以往經驗來講, Samsung Galaxy S7 同 LG G5 應該三月左右就會在港開賣, M10 要 4 月至發佈,開賣日期遲過對手基本上已成定局。但近日「爆料達人」 evleaks 更加指出, HTC One M10 恐怕要再遲啲先可以買到,因為美國要到 5 月先會開賣!即使香港能夠跟上美國的外賣日期,但係 M10 比起其他對手遲差不多兩個月先可以買到,大家又覺得會否太遲呢?▲One M10 會遲少少先出就預左,但如果香港都要 5 月先有,大家又等唔等到?
除左有指開賣日子會係 5 月之外,近日亦有人放出 One M10 的渲染圖。若果屬實的話,可以見到 HTC 係手機的風格上慢慢由 M8 、 M9 有 BoomSound 雙喇叭的外型,變為近似 One A9 沒有了 BoomSound 雙喇叭但用了 2.5D 玻璃的設計。唔知大家又覺得好唔好睇呢?留言講講吧!
▲ 上圖就是被指為 One M10 的渲染圖,可以見到同 One A9 最大的不同的係相機擺位。
來源: Gsmarena 、AndroidHeadlines