最平 $2900 有找，HTC One X9 這個價錢抵玩嗎？
可能因為 One X9 突然宣佈開賣，版主剛剛到大鋪查問價錢的時候，其實唔係好多間有貨。以大鋪價錢來講，其實減得唔算多， 原本定價係 $3298 ，衛訊方面就「即減 $100」賣 $3198 。再同大家重溫一下之前提過的消息，之前提過， HTC One X9 32GB 版係大陸賣緊 2399 人仔，可以預計香港開賣時價錢大約會係 $2842 左右。而係 3 月頭 One X9 亦都係台灣開賣，定價是 13900 台幣（大約是 $3343 港幣），價錢比起香港仲要高。不過，係一星期之後，就已經即時減價，落到去 11900 台幣（港幣 $2835）。參考兩個地方的開賣情況可以見到，其實 One X9 價錢要港幣 $3000 樓上的話，並不抵玩。不過，要平價入手 One X9 ，又唔係無可能，只不過未必人人做到。因為係 CMHK 方面，除左免簽約價減 $100 之外，「簽約優惠價」更加只係 $2880 ，即係客戶都可以用呢個價買到，呢個價錢一來跌穿左 $3000 呢個心理價位，二來係性價比上都算不錯呢！
▲ 順帶一提，同樣係 HTC 出品的 One E9 Dual SIM 係衛訊都有再減，價錢只係 $2098！
▲ 如果唔係 CMHK 客戶，又無意上台，個人覺得 One X9 都係等一等再入手比較抵呢！
會成為最抵玩中階機嗎？比拼 Samsung A 系列＋紅米 Note 3
有意入手 One X9 的朋友，相信都係想入手一部中階價位而且有 5.5 吋芒的手機，而同類新機之中，主要對手就有 Samsung 的 Galaxy A 系列甚至係小米的 紅米 Note 3 。 Samsung 的 Galaxy A7(2016) 同埋 A9(2016) 係價錢上，同 One X9 其實頗為相近，有 5.5 吋芒的 Galaxy A7(2016) 用上 Qualcomm S615 處理器配 3GB RAM 同 3300mAh 電池，外型造工都唔差但處理器表現一般或者係問題。而 Galaxy A9 (2016)有成 6 吋巨芒，處理器更用上 S652 配 3GB RAM，而且電池更有 4000mAh ，規格上可謂完勝 One X9 ，唯一要留意的因素係 A9 Pro 剛剛係大陸開賣，有成 4GB RAM 價錢又唔算好貴，大家會唔會等多等？最後就係小米的 紅米 Note 3 ，小米香港剛剛就宣佈會加推灰色版本 3GB RAM 高配版，價錢一樣係 $1499 ，係性價比上實在無敵，但近日有報導指紅米 Note 3 可能有「睡死」問題，看來平價機係軟件方面，始終會多一點瑕疵。以下就係呢三部機再加上 One X9 的規格比拼，唔知大家又覺得邊部最抵玩呢？留言講講吧！
▲ 老規矩，直接 click 入去就見到規格比拼啦！
在文章發佈時， HTC One X9 Dual Sim 大鋪價為 $3198 ，按此看手機詳細規格及最新賣價。
在文章發佈時， HTC One E9 Dual Sim 大鋪價為 $2098 ，按此看手機詳細規格及最新賣價。
