千元機價抵唔抵？ S801 小米 4 清貨價平過大陸賣價
小米 4 呢個名大家應該好耐係聽過，因為用上 S820 的小米 5 都出左，仲邊有人會留意小米 4？但係，亦因為小米 5 推出左，而家係大陸仲有賣的小米 4 其實都已經到左「最後階段」。以規格而言，新一批到港的小米 4 屬於聯通 4G 版本，理論上可以用到香港 FDD LTE Band 3 (1800) 頻段。硬件上小米 4 都有 5 吋 FHD 芒， Qualcomm S801 處理器以及 2GB RAM 同埋 16GB 內置容量。相機方面有 1300 萬像素主鏡頭以及 800 萬像素前鏡。價錢方面，而家小米 4 大約賣緊 $1180 左右。小米 4 之所以咁平，好大原因都係因為呢部機清緊貨，所以預計貨量不會很多。如果想買平機又覺得小米係一個不錯的選擇的話，大家可以留意埋小米 4c ，小米 4c 雖然係 15 年下半年推出，但隨住小米 4s 的出現，小米 4c 都變左舊機了。呢部用上 S808 處理器，官方曾經用作同 Nexus 5X 相比的千元機，小米已經確認不會帶來香港。但價錢方面，而家 16GB 版本都係 $1300 ，跟小米 4 其實差不多呢！
▲ 而家小米已經沒有用呢個「紙皮盒式」設計了，所以一看就知係推出左一段時間的機種啦！
▲現時深水埗引入的小米 4 是聯通 4G 版，只有 2GB RAM。
▲ 小米 4C 雖然用左塑膠機身，但係規格比起小米 4 好，會唔會係更抵玩的選擇？
▲同樣用上 Qualcomm S801 處理器的仲有呢排幾紅嘅 Yotaphone 2 ，但係要價兩千三又算唔算抵？
HTC One X9 細鋪行貨抵勁多？
再同大家講一講 5.5 吋芒手機的消息。話說之前版主同大家提過， HTC One X9 到港開賣之後，大鋪只係平得 $100 ，如果唔計 CMHK 客戶價買機價的話，可能去 SUN Mobile 買機仲抵。而家看來，以行貨機而言，深水埗或者會係更好的選擇。因為不論係高登還是鴨寮街，賣緊行價的細鋪機價一般只係 $2798 ，比起原價平 $500 ，同大鋪價有明顯差距，算係難得！另外，同樣係 5.5 吋芒， Mate S 係深水埗都有得再平。雖然係 Mate 8 推出後，一般消費者應該不會再考慮呢部各方面都「差咁啲」嘅華為旗艦，但係大鋪只係減 $1000 ，令 Mate S 賣價而家仍然要 $3888 ，其實都算貴。而深水埗高登就有細鋪做緊 $3499 ，平差不多四百吸引力會不會更大？
▲ HTC One X9 落到 $2799 呢個價之後，性價比應該會吸引得多吧？
▲ Mate S 係外型造工上都很不錯，可惜規格方面同 Mate 8 相比就略為遜色。
在文章發佈時，小米 4 不會在香港開賣，按此看手機詳細規格。
在文章發佈時，小米 4c 不會在香港開賣，按此看手機詳細規格。
在文章發佈時，HTC One X9 賣價為 $3198，按此看手機詳細規格及最新賣價。
在文章發佈時，華為 Mate S 賣價為 $3888，按此看手機詳細規格及最新賣價。
