S7 egde 行/水齊劈價,減足千二無難度?
先講左較早時間推出的 Galaxy S7 以及 S7 edge 先。如果係大鋪價的話,大家唔使諗咁多,以 Samsung 以往「企硬唔減」的往績,恐怕 S7 / S7 edge 都唔知等幾耐先會再減。但係細鋪行貨方面,其實 S7 edge 開始跌勢開始明顯。上星期版主阿坤已經同大家提過, S7 edge 細鋪行價比起大鋪平左 $300,想不到過多一個星期,S7 edge 又再跌價,價錢只係 $5180 ,比起大鋪平多 $400 之外,對比原價 $5998 都平左 $800 。不知大鋪之後又會唔會再有劈價行動?如果係水貨的話,版主認為韓水價錢同而家大鋪相距較大,更加值得留意。同細鋪行貨一樣, S7 以及 S7 edge 韓水價錢都係拾級而下,而家 S7 韓水 32GB 版本已經賣緊 $3980 跌穿四千,而 64GB 版本就係 $4480 。不過講到減得多,都係 S7 edge 更值得講,因為 32GB 版本 S7edge 已經落到 $4780 ,而 64GB 版都就係 $5280 ,其實已經比定價平左大約 $1200 有多了。另外,「瑰鉑粉」(可以叫玫瑰金嘅)版本的 S7 edge 近日係先達都有店家引入,價錢本身要 $5680 ,但係已經賣光了,相信下一水會更平吧。
▲ S7 edge 可能因為供貨充足而且強敵陸續到齊,近期價錢不斷跌。
▲不止細鋪行貨,連韓水價錢都不停有變,好似 S7 edge 最平又落到 $4780 了!
▲ 個人覺得 S7 edge 的「玫瑰金」顏色都幾討好,不知港行會不會引入呢?
▲側邊看所相當討好!(但個人都係中意黑色~)
水貨價暴跌!LG G5 價錢比 CMHK 優惠更吸引嗎?
之前版主阿坤都同大家提到, CMHK 呢排有個限時的 LG G5 上台優惠,可以用 $3780 呢個價錢換取 LG G5 一部。如果以價錢來講,梗係吸引,但而家未必日日合約到期可以轉台啊!如果係細鋪方面, LG G5 目前都維持係 $4880 左右,同大鋪差距唔大。但係韓水 G5 近日一樣劈價唔少,價錢已經落到 $4180 ,比起定價平足 $4180 ,相信距離大家期特的「三字頭」指日可待。唔知大家又覺得呢來 Samsung 同 LG 兩大旗艦急劈價吸引點,還是即將開賣的 HTC 10 更值得入手呢?留言講講吧!▲ LG G5 韓水價錢同 Galaxy S7 edge 一樣,近來跌不停。
在文章發表時,Samsung S7 大舖賣價為 $4698,按這裡有詳細規格及最新賣價。
在文章發表時,Samsung S7 edge 大舖賣價為 $5598,按這裡有詳細規格及最新賣價。
LG G5 在文章發佈時,大舖賣價為 $4998,按這裡有詳細規格及最新賣價。