csl 全新快閃價!Samsung、HTC、LG、華為 2016 旗艦有齊
今次主角唔再係大鋪,而係劈價有過之而無不及的 csl。不知大家記唔記得, csl 早兩個月就推出左「快閃價」,簡單來講即係用「攜機上台」的方式以平價出機。之前 csl 優惠主要集中於 LG V10、 Z5 Premium 、Note 5 等 2015 下半年度推出的旗艦,而「快閃價」就會比起淨機價平多 $1000 。當三大廠牌都推出左新一代旗艦之後, csl 亦都將新一批旗艦列入「快閃優惠」,不過抵唔抵就真係要再睇睇。▲csl 最新的快閃價,仲有 V10 、華為 P9 等選擇。
HTC 10 減足 $1100 ,抵玩過 G5 、 S7 edge?
首先提返快閃優惠內容先,作為一個上台優惠。 csl 指定快閃價係轉台,或者係新號碼上台先可以享用,現有客戶的話,即使再續約都不能享用呢個優惠的。另外,新上台客戶必需選用 2.5GB 或以上的數據 plan ,即係月費最平 $256(包埋 18 蚊行政費)並簽約兩年。再來同大家睇下一眾旗艦機的快閃價,版主留意過多個地區,發現快閃價價錢,並不是每個地區都一樣,好似係旺角區就沒有 HTC 10 以及華為 P9 的快閃價。所以版主上述相片是比較過幾個地區後,挑選出最平的價目表。如果以價錢來計,大廠旗艦之中當然是 LG G5 價錢最抵,快閃價只係 $3998。但係因為而家大鋪只係做緊 $4498 ,而且對手 CMHK 的 LG G5 上台價其實更平,所以實際上其實唔算抵玩。 Samsung Galaxy S7 edge 都是差不多情況,百老匯做左一輪暗減價,而家連衛訊都做埋 $5398 ,而且同樣以上台價計, CMHK 而家的「 5 月之優惠之星」其實仲平。
所以計起來,係價錢上最吸引,而且沒有其他競爭對手做到更平的,反而係 HTC 10。現時 HTC 10 係大鋪都仲係 $5398,但之前版主阿坤都提過,深水埗而家行貨價只係 $4880 。但係要做到行貨平多過一千的話,暫時都係得 csl 呢個快閃價。唔知大家又覺得 csl 新一輪快閃價算唔算吸引呢?留言講講吧!
【更新:有網友提醒版主,而家係衛訊, HTC 10 其實有暗價,銀/金二色都做到即減 $500,價錢為 $5198】
▲ Samsung S7 edge 而家做返 $5398 ,再加上 CMHK 上台價都只係 $4580 ,csl 反而無咁著數呢。
▲ LG G5 係「即減 $1200」推出後, csl 上台價都只能平多 $500 。
▲ 【更新】衛訊方面,雖然而家看似只係有「即減 300」,其實金/銀二色都可以減多 $200。
在文章發佈時,Samsung S7 edge 大舖賣價為 $5398,按此看詳細規格及最新賣價。
在文章發佈時,LG G5 大舖賣價為 $4498,按此看詳細規格和最新賣價。
在文章發佈時,HTC 10 大鋪賣價為 $5398,按此看詳細規格和最新賣價。