「限定,必試」FreeStyle 主題 Android 首頁可以咁好玩
|
HTC
唔一定 HTC 10! 其他 HTC 手機即日有得玩?
隨着 HTC 10 的出現,自我風格 FreeStyle 主題亦隨之誕生,並在 HTC 10 上率先加入了這項新功能。不過而家除左 HTC 10 之外,HTC 亦都將呢項新功能帶到大部份 HTC 的手機,由即日起只要到 Play 商店,將 HTC Sense 主頁更新至最新版本,就能夠使用這個 FreeStyle 主題新功能。
▲ 當然,HTC Sense 主頁更新左之後,除左新增了 FreeStyle 主題之外,其實亦優化了部份地方。
打破格線限制,自由設計獨一無二風格
講左咁耐,到底甚麼叫做 FreeStyle 風格主題呢? HTC 表示,以往手機的桌面主題,都受着格線的限制,令到個個品牌的手機好似都一式一樣咁,無乜咩野新意,呢點並不是 HTC 願意見到的。所以,設計人員為了想㒹覆呢個傳統,設計出一個「自我風格主題」,能夠打破格線的限制,讓你可以將應用程式、小工具以及貼圖隨意放置想要擺放的位置。
咁當然啦,除了在手機桌面上打破格線限制之外,現在你亦能夠自行設計屬於你個人、獨一無二的手機主題。即係點? 即係話除左桌布之外,就連應用程式的 icons 都能夠自由改變。只需要按這裡,登入你的 HTC 帳號,選擇「Maker Pro」,就可以自己化身成設計師,設計你中意的手機主題。
▲ 以上為 FreeStyle 主題的範本。如圖所見,你不單止可以隨意改變應用程式的位置,仲可以將一些應用程式的圖示,重新設計成你中意的圖案。就好似相機 Apps 咁,平時就咁一部相機圖示係度,其實好悶,但而家變左成跳跳虎的圖案,係咪覺得生動好多呢?
▲ 另外,除左手機桌面之外,就連其他頁面的背景都能夠按自己的喜好而改變。
來源:HTC Community