十仔之後，已無新機 新機更新停頓
HTC 係香港推出 HTC 10 之後，香港已沒有新機推出，所以今年機海品牌一定唔係佢。據版主所知，HTC 香港全 Team 人 (其實一向唔多人) ，近期都好忙，不過係全力推 VIVE。唔知係咪分身不下，連網絡商關係都有變。十仔叫做大機，剛推出已失蹤於 CMHK 與 3HK，仲要俾某台採購部嫌 H 手機不是該台客仔杯茶，明明係旗艦，都唔肯入貨，HTC 真係慘豬豬! 近日版主亦發現，本來一直好幫 HTC 嘅 csl 都把 HTC 手機全線下架！
之前有說，德國 T-Mobile 同樣把 HTC 10 下架，可能是銷量差嘅問題 (HTC 已解釋其實係賣晒已而)。不過，有留意 csl. 嘅網站，相信同樣唔會賣得好嘅 Microsoft Lumia 950XL、BlackBerry PRIV 甚至無人識嘅 BlackPhone 2 都仲賣緊，銷量差，與係咪擺上貨架，係香港來講，係無乜必然關係。了解香港大型連鎖店與手機網絡商嘅手機 Display 與推廣，其實跟百佳、惠康超市貨品無分別，除了 Apple，其他手機廠嘅擺位，都係用錢換番來。例如，版主早前一入某大電器連鎖店，就算去睇部相機，都會被 Sales 引導去買 G5 手機，其實因為呢間廠出銀彈，係分帳與擺位安排都對呢間連鎖店嘅 Sales 十分有利，利字當頭，當然力推 G5。csl 今次下架 HTC 手機，版主認為是 HTC 香港已半放棄再為手機部份作推廣，情願改變與 csl 係手機上嘅合作，把 Budget 都撥去攪 VIVE。
▲ 係 csl 網站，揀 HTC 品牌，OMG 一部機都無，唔賣了。
▲ 係減價 List 上面，勁冷門嘅型號都仲有。