早前版主說，csl. 已不賣 HTC 手機，全線抽起。幸好，HTC 揀了殺價天王 CMHK 中國移動香港接貨 (或者 CMHK 揀了來做殺著....whatever)，係 CMHK 網店 (按此 Click 入)，HTC 10 直減千二，$4498 可以入貨，仲要係淨機發售，唔駛上台。若果你係 CMHK 舊客，仲可以簽多半年約，用 $4298 入手。而令 HTC Fans 開心嘅係，今次 CMHK 連紅色都有得揀!
▲ 係中國移動 CMHK 嘅淨機特賣區，HTC 10 係首度出現，一直 CMHK 係無賣十仔嘅，可能 csl. 班「貴」客睇唔起 HTC 手機，CMHK 比較平民化，會肯接貨。跟 LG G5 拍埋一起，同價賣街。大家都有 $100 超市 Coupon。CMHK 淨機售賣，沒有分期付款選項，大家要留意，另一方面，LG G5 個價，其實無乜特別，因為百老匯，衛訊係做緊 $4498，唔算平左。以 HTC 10，大店價即日為 $4698，而細舖其實仲平 $4280。
▲ 若果你係 CMHK 客戶，簽六個月約，可以用 $4280 買機了。
▲ 百老匯、衛訊嘅特價手機，未必有得做免息分期，但電訊數碼 Sun Mobile 做得到！版主早前都講過，Sun Mobile 已把 HTC 10 減至 $4798，仲送 JBL 耳機。呢個價，可以分期了。
HTC 10 係文章刊登時，大型連銷店賣價為 $4698，按呢到有更詳細規格及最新賣價。
LG G5 係文章刊登時，大型連銷店賣價為 $4498，按呢到有更詳細規格及最新賣價。