5.5 吋大芒 ＋靚聲
HTC Desire 10 兩款機，定位有點奇怪。HTC Desire 10 Pro 加入了二千萬像素相機，並有 Laser Auto Focus，但沒有了 Hi-Res 音效，連立體聲雙揚聲器都無，更加無 Dolby Audio。相比之下，版主更加愛呢部 HTC Desire 10 Lifestyle。呢款機係主打平價與音樂，仲唔係用 MTK CPU，用番 Qualcomm CPU，日後升級比較有保障。HTC Desire 10 Lifestyle 嘅手機設計，其實與 HTC Desire 10 好似，都係 Art Deco 那幾款金色邊框，關於呢次手機設計，大家可以睇番 Desire 10 Pro 嘅介紹。兩款 Desire 10 都是用上 5.5 吋大芒，而 Desire 10 Lifestyle 則是 SLCD Full HD 解像度，唔係 HD。而跟機會有 3GB RAM 及 32GB ROM，採用 Qualcomm S400 四核心處理器，係家陣嘅目光來講，係入門級數。
▲ HTC Desire 10 Lifestyle 嘅手感，其實有 D 似上年嘅 HTC One E9+、ME。雖然是塑膠機身，但都不似玩具。7.7mm 厚度，155 克嘅重量，係 5.5 吋芒手機裡面，算係比較輕身。
▲ 採用了 Art Deco 裝置藝術的設計，跟大家回一回帶，黑低、金邊嘅設計，其實 Nokia 早年都有用過，都係以 Art Deco 為設計藍圖，大家可以 Click 呢度重溫。
▲ 版主無記錯，Desire 10 Lifestyle 係一部手機，係手機上刻上 Hi-Res AUDIO logo，證明呢部手機，會係支援高清音效輸出。
▲ 有 3.5mm 耳機架。
▲ 有兩款顏色，黑與白。
▲ 係台灣早鳥買機會送 Hi-Res Audio 耳機。呢款 Max 310 耳機，亦係 HTC 10 跟機送個款，之前 HTC 話，呢隻耳機建議零售價成八舊水架。
不過咁，玩手機嘅，唔好只係再睇用乜 CPU 好吧，Desire 10 Lifestyle 有著與 HTC 10 一樣的音效硬件。手機有自己嘅 DAC，支援 24bit / 192KHz 高解像度音效播放，與此同時，亦有Boomsond 與 Dolby Audio 加持。用耳機聽音效，手機更可以把非 24bit 歌曲，轉至接近 24bit 效果。而採用 3.5mm 耳機插位，更加方便換耳機。而 HTC 台灣會係明天首賣呢款 Desire 10 Lifestyle，早鳥優惠會跟機送 HTC 10 同款嘅 Hi-Res 耳機。而 Desire 10 Lifestyle 與 HTC 10 都係用 Boomsound Hi-Fi Editon，即係近耳筒位是負責高音，而機底的揚聲聲負責低音。版主比較過 Desire 10 Lifestyle 與 HTC 10 外放音質，可以用不相伯仲來形容。
▲ 手機有 32GB ROM，但系系統大約只有 7GB 左右。而呢部手機亦內置了 Boost+ 只要開啟智能加速，手機會自動把無用嘅記憶體 Kill 走，以保手機運行順暢。
▲ 用上跟 10 仔一致嘅 HTC Sense 介面。
至於相機，係 Desire 10 Lifestyle 比較差嘅一環，用千三萬像素 F2.2 光圈 BSI 鏡頭嘅感光元件。以呢個規格，好有可能用 Omivision 嘅出品，即係 HTC One E9 個個，影相只能用普通來形容，此外，前置相機是五百萬像素，沒有特別嘅 Wide Angle 設計。比較好采，佢用上 HTC 10 嘅全新 Sense 介面，簡單快速，係 3GB RAM 嘅加持下，應還好順好用的。
▲ 跟 HTC 10 一樣嘅影相介面，但只有馤單拍照，全景與錄影，沒有 Zoe 等玩意。
HTC Desire 10 Lifestyle 係文章刊登時，香港未有賣價。按這裡有更詳細介紹及最新賣價。