同三星 S7 同價！HTC 10 大舖劈價搶三星客！
早前版主同大家提過，自從三星 Note7 爆炸停產之後，或者係因為生意唔好的緣故，就連一直企硬唔減的三星旗艦 S7，好快都忍唔住在大舖減價了，由 $4498 跌至 $4298。在此之後，形成了 HTC 旗艦貴過三星旗艦的局面，但係咁喎，如果 HTC 10 仍然企硬 $4498 呢個價，好難吸引到網友棄 S7 而入手 HTC 10。為了想搶三星客，HTC 出手了！版主發現，HTC 10 的賣價近日在大舖有所調整，減了 $200，劈到跟 S7 同價。在兩部手機價錢相同的情況下，不知網友會選擇 HTC 10 還是 S7 呢？
▲ 大舖已經由「即減 $1200 變成即減 $1400」，不過依然未及之前 SmarTone 網店 $3998 的價位咁便宜。至於細舖方面，S7 依然賣緊 $4180 左右的價位，而 HTC 10 亦都未見有變化，賣價約為 $3998。估計過多一兩日之後，HTC 10 細舖賣價應該會有少許調整。
面對 HTC 的減價攻勢，三星手機賣價居然不減反加？
HTC 10 就減價想搶三星客，就在這個時候，三星手機的賣價居然不減反加！不過今次加價的，並不是旗艦機款，而是 9 月先減完價的 A9 (2016)。原本大舖賣緊 $3098，唔知做乜事今日行場見到，大舖價居然回升至 $3298，見有三星 Promotor 喺度，版主就上前問問，睇下能唔能夠了解下，點解忽然間會加價，可惜的是，就連 Promotor 都不知道。
不過亦有另一個說法是，A9 (2016) 停產，而大舖的貨量亦都已經不多，所以要加價，慳住賣。但老老實實，大舖加左 $200 啫，又唔一定要在大舖入手嘅，深水埗細舖今個星期反而就減了 $200，最新賣價約為 $2798，可惜依然未及之前 SmarTone $2598 這個價抵玩。對於 A9 (2016) 突然在大舖加價，網友又點睇呢？
▲ 唔知做乜事，突然間又加番價，不過有消息指，應該是因為 A9 (2016) 停產，加上貨量不多，所以加價慳住賣。網友又點睇呢？
HTC 10 在文章發表時，大舖賣價為 $4298，按這裡有詳細規格及最新賣價。
Samsung Galaxy A9 (2016) 在文章發表時，大舖賣價為 $3298，按這裡有詳細規格及最新賣價。