主題:平鬥 Sony、三星!HTC 旗艦行貨價創新低,是時候入手了?

ePrice HK
  • 發表時間:2016-12-23 13:11 收錄檢舉
    來到年尾,大舖手機價格應該都定得七七八八。回顧過去呢一年,可以留意到,跌價比較快的手機,係 Sony,反而 LG 手機跌價速度,似乎變得無以往咁快; 而雖然三星係爆左 Note7,大舖剩番 S7 系列旗艦機,但賣價依然係企得好硬,果然係唔同品牌唔同命。就在這個時候,HTC 旗艦展開了減價攻勢,要平鬥 Sony、三星!到底跌到有幾平呢?呢個價,又同 Sony、三星有無得鬥呢?

    平鬥 Sony、三星!HTC 旗艦行貨價創新低,是時候入手了?

    HTC 旗艦行貨價創新低,是時候入手了嗎?
    講緊嘅係 HTC 10,睇番大舖價,原本 11 月尾已經減左 $200 至 $4298,到今個星期開始再減多 $300,最新賣價為 $3998,相比三星 S7 還要便宜,唔知呢個價錢,跌穿網友心理關口未呢?想用再便宜的價錢,入手行貨手機,一般網友都會考慮去細舖尋寶。而 HTC 10 在深水埗細舖亦都同時跌價了,由原來的 $3880 減至 $3698,有網友估計,呢個價已經係最低價,你又點睇呢?又係時候入手了嗎?

    平鬥 Sony、三星!HTC 旗艦行貨價創新低,是時候入手了?
    ▲ HTC 10 大舖在 11 月尾時已經減左 $200,而家再減多 $300,賣緊 $3998。而細舖最新賣價則為 $3698,呢個價係時候入手了嗎?

    比較 Sony、三星旗艦,HTC 10 係咪至抵玩?
    大家同是旗艦級數手機,但 HTC 10 細舖跌到落 $3698,比較 Sony、三星旗艦之下,會唔會係至抵玩呢?先由 Sony 旗艦說起,Sony Xperia XZ 大舖價雖然係跌得密,但其實依然係貴,賣 $4998,反而細舖賣價而家跌到落 $4198,就似乎更有吸引力。不過,比 HTC 10 貴五百,有 64GB ROM,但只有 3GB RAM,網友覺得會唔會因為咁,而變左唔夠 HTC 10 抵玩呢?至於三星 S7,無論大舖抑或細舖,近呢幾個月基本上都無變動咁滯,細舖價比大舖價平多一百,最新賣價為 $4198。三部機當中,在級數相若的情況下,你又會點揀呢?

    平鬥 Sony、三星!HTC 旗艦行貨價創新低,是時候入手了?
    ▲ Sony Xperia XZ 大舖雖然減得密,但依然係貴,反而細舖就平好多,最新賣價為 $4198。

    平鬥 Sony、三星!HTC 旗艦行貨價創新低,是時候入手了?
    ▲ 三星 S7 就基本上大舖細舖價差別不大,都係四千一二的價位。

    為方便大家比較 HTC 10、Sony XZ 以及三星 S7 的分別,版主會利用 ePrice 手機比拼系統,等大家可以一目了然!

    平鬥 Sony、三星!HTC 旗艦行貨價創新低,是時候入手了?
    ▲ 按上圖或按這裡,比較 HTC 10、三星 S7、Sony XZ 三機規格上的差別。

    HTC 10 在文章發表時,大舖賣價為 $3998,按這裡有詳細規格及最新賣價
    Sony Xperia XZ 在文章發表時,大舖賣價為 $4998,按這裡有詳細規格及最新賣價
    Samsung Galaxy S7 在文章發表時,大舖賣價為 $4298,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁