HTC 高層自爆: 唔再有 HTC 11!

左定坤 (Cho Ting Kwan) 2017-01-13 00:58 | HTC
HTC U Ultra、U Play 就在今日 (12/1) 正式發表,睇完這兩部新機的資料以及外型,不知網友覺得,今次推出呢兩部新機,係唔係相比 HTC 10 更有吸引力呢?版主個人就覺得,係,都話,至少我見到會有想用的感覺先 (藍色),呢點好重要!而今日發佈會完結後,版主難得有機會能夠與 HTC 高層張嘉臨進行專訪,而在專訪的過程中,張嘉臨自爆了一個驚人消息: HTC 10 之後,唔會再有 HTC 11!咁即係唔會再有 HTC 旗艦,還是如何呢?睇下文啦!

HTC(Facebook).jpg

與高層張嘉臨的訪問,長達近 30 分鐘,當中講了很多對於網友來說不是太重要的東西,例如 HTC U Ultra 的設計理念、無 3.5mm 耳機孔的原因等等,這些其實都在發佈會上有提及過,所以版主都不多說。反而有一個重點,係非常重要,就係 HTC 唔會再有甚麼 HTC 11!按照張嘉臨的說法是,未來的高階、旗艦手機,都會以「U」命名,配合 AI 的功能,希望能夠做到,未來每一款產品,都會成為用家獨一無二的手機: 例如 U Sonic 的技術,每個人的耳道都不一樣,而這個聲納技術,則能夠提供只屬於「U」的最佳體驗。

不再有 HTC 11,全部變成「U」,唔知網友認為佢咁樣做,能唔能夠成功 Help 到呢間公司呢?你覺得 HTC 要怎樣做,先真正能夠滿足到消費者的需要呢?留言講下啦!

最新新聞