平 $900!4GB 中階機減價,揀佢定等 HTC U Play?

左定坤 (Cho Ting Kwan) 2017-02-09 16:14 | HTC
雖然成日話,6GB RAM 開始慢慢成為主流,用上 6GB RAM 的機種亦有不少,不過版主總是覺得,其實邊需要去到 6GB RAM,4GB RAM 都未必用得哂啦!唔知網友認唔認同我咁講,不過版主最近發現,有用上 4GB RAM 的中階手機減價,規格上同早幾日發表、未開賣的 HTC U Play 好類似,但就平成 $600 咁多,你又會揀佢,抑或等 U Play 呢?睇下文啦!

場料(Facebook).jpg

4GB RAM 手機大舖減價,終於回到合理價位?
講緊嘅係 HTC Desire 10 Pro,從規格上來看,其實同最新推出的 U Play 有幾分相似,同樣係用上 MTK Helio P10 八核心處理器,內置 4GB RAM 以及 64GB ROM,有些地方甚至比 U Play 還要好,例如個芒再大啲,有 5.5 吋,電再多啲,有 3000mAh,仲有本來唔係優點、而家變左優點嘅 3.5mm 耳機孔等等。另外,Desire 10 Pro 亦配備了 2000 萬像素主鏡頭以及 1600 萬像素前置鏡頭,但衰就衰在無 NFC,對於喜歡用 Android Pay 的網友來說,呢部機就確係有點不合格嘅。不過,價錢上平好多,大舖最近減多 $300,由原來的 $2998,跌至 $2698,而細舖則仲要再平多 $300,只需 $2398,版主覺得而家呢個價先算比較合理。你覺得呢?

16667443_388002811558531_1315029303_o.jpg
▲ 而家 Desire 10 Pro 大舖減多左 $300,賣 $2698,而細舖最新賣價則為 $2398。

比拼 HTC U Play!你會揀 Desire 10 Pro 定 U Play?
外型方面都係果句: 各花入各眼,版主自己覺得 Desire 10 Pro 隻黑色係幾型嘅,不過拍埋落 U Play 度,覺得 U Play 實在相比 Desire 10 Pro 靚太多,而且佢同 U Ultra 一樣,都係採用 3D 曲面水漾機背設計,唔同角度可以折射唔同嘅光澤,呢個設計版主相當滿意。規格就同 Desire 10 Pro 唔差太遠,係相機方面聲稱會再靚啲,不過版主未比較過,未敢妄下定論。最重要係,佢有 NFC,用開 Android Pay 嘅朋友,相信會寧願揀俾多少少錢,都好過買 Desire 10 Pro 吧?U Play 預計 24/2 開賣,大舖賣價為 $3298,而 CMHK 搵朋友幫手買,可以去到 $2980,呢個價錢,你又會唔會考慮呢?

20170207_142132.jpg
▲ U Play 個 specs 同 Desire 10 Pro 好似,不過個樣又靚啲、相機又好啲、仲要有 NFC,不過就貴唔少,你又會揀 Desire 10 Pro 抑或 U Play 呢?

Screen Shot 2017-02-09 at 9.10.40 PM.png
▲ 按上圖可以進入 ePrice.HK 比拼系統,比較一下 Desire 10 Pro 同 U Play 的分別。

HTC Desire 10 Pro 在文章發表時,大舖賣價為 $2698,按這裡有詳細規格及最新賣價
HTC U Play 在文章發表時,將於 2 月 24 日上市,大舖賣價為 $3298,按這裡有詳細規格及最新賣價

相關產品 (1)

相關報導 (1)

平 $900!4GB 中階機減價,揀佢定等 HTC U Play?

平 $900!4GB 中階機減價,揀佢定等 HTC U Play?

雖然成日話,6GBRAM開始慢慢成為主流,用上6GBRAM的機種亦有不少,不過版主總是覺得,其實邊需要去到6GBRAM,4GBRAM都未必用得哂啦!唔知網友認唔認同我咁講,不過版主最近發現,有用上4GBRAM的中階手機減價,規格上同早幾日發表、未開賣的HTCUPlay好類似,但就平成$600咁多,你又會揀佢,抑或等UPlay呢?睇下文啦!

左定坤 (Cho Ting Kwan) | 2017-02-14

最新新聞