大舖價錢暫時不變
之前有提過，HTC U Ultra 將會在 2 月 16 日，即係今日正式開賣，不過有啲網友可能會好奇，點解去大舖睇過，店員會話仲未有現貨嘅？版主打聽過，原來 U Ultra 而家仲陸續發緊貨，唔係間間都有，預計聽日啦，就會在各大零售商現貨發售。目前 U Ultra 的大舖價錢都係同之前講的一樣，依然是「即減 $200」，即 $5498，呢個價錢其實算是合理，但到 2017 仲用 S821，普遍網友的心態都會係: 應該可以再平啲。記得有網友講過，如果 U Ultra 肯用超進取的價錢，例如 $3998，或者可以賣番起個招牌，版主只能說，有機會的，但一定唔會係最近的事，要去到 $3998？2046 啦！
網絡商最平 $2780 入手，係咪真抵玩？
講緊嘅係中國移動香港 CMHK，就在今日搶先推出了「HTC U Ultra 非常手機 飛常優惠」，新 / 特選現有客戶只要在即日起至 3 月 15 日，選用或升級至『飛常大中華』4G 10GB 服務計劃，簽訂 24 個月合約，並以信用卡自動轉賬繳付月費 (信用卡姓名須與登記姓名相符)，就可以 $2780 震撼價，入手 HTC U Ultra，對於高用量用家來說，呢個價真係好抵玩。以上講嘅，已經係最抵架喇，如果你唔係用 10GB Plan，都有優惠嘅，不過就無咁抵，1GB、3GB、6GB 服務計劃的簽約優惠價分別為 $4580、$4380、$3580。記住，係『飛常大中華』計劃先至有架！呢個價錢，網友又點睇呢？
▲ 按這裡可以了解『飛常大中華』月費計劃詳情。
仲有一件事，版主已經取得 HTC U Ultra，如果網友對呢部 U Ultra 有問題的話，歡迎喺下面留言問版主，版主會盡能力解答各位的問題！
HTC U Ultra 在文章發表時，大舖賣價為 $5498，按這裡有詳細規格及最新賣價。