開賣五天,跌穿五千!HTC U Ultra 賣價急跌,邊部你會揀?
|
HTC
大舖銷情慘淡,主要原因是「貴」?
開賣 5 天,版主向唔同的大舖八過,多唔多人買 HTC U Ultra,無論係衛訊、豐澤、蘇寧還是百老匯,得出的結果都是一樣: 「有,但少」。係嘅,邊叫 U Ultra 賣得貴咩?暫時大舖仲係「即減 $200」,最新賣價為 $5498,用 S821 仲要賣呢個價,相信大部份網友心目中,仲有其他更好更抵玩的選擇,就例如 OnePlus 3T,同樣 S821 但有 6GB RAM,128GB 版本都不過是 $3780。相差成 $1700,俾你揀,你會揀 OnePlus 3T 還是 HTC U Ultra?
▲ 大舖依然係「即減 $200」,賣價為 $5498。
▲ 同樣係用 S821,OnePlus 3T 仲有 6GB RAM + 128GB ROM,水貨價都係賣 $3780,似乎仲抵玩。再說,同位價位中,網友覺得華為 Mate 9 會唔會都係個不錯的選擇?
細舖賣價急跌價!開賣五天,跌穿五千
大舖暫時賣價不變,賣 $5498,都可以理解嘅,而家先賣左五日咁大把,咁快減就真係誇張了。不過,大舖無得減姐,但深水埗細舖就突然急跌價,上星期版主去睇,仲話係同大舖同價,不足一星期,今日再睇已經跌到 $4980。呢個價雖然唔及上面提到嘅 OnePlus 3T 平,但起碼叫做跌穿左五千,呢個價,跌穿左網友心理關口未呢?
▲ 不過無可否認,佢背後採用的 3D 水漾曲面玻璃設計,又確係幾靚嘅,有朋友話有以前 Butterfly 系列嘅味道,但我就覺得靚過 Butterfly,你又點睇呢?
HTC U Ultra 在文章發表時,大舖賣價為 $5498,按這裡有詳細規格及最新賣價。
OnePlus 3T (64GB) 在文章發表時,官網賣價為 $3388,按這裡有詳細規格及最新賣價。