網店優惠抵過大舖!買機減 $200 送保護套,加購配件享 2 折優惠!
「鐘意一個品牌,同鐘意一個人一樣,需要無窮嘅熱情、時間嘅奉獻,仲要經得起唔同嘅引誘。或者曾經去到感情低谷,但回想一下,我哋嘅共同回憶及當中嘅幸福感,冇其他嘢可以取代!」見到呢段嘢,真係令人毛管豎哂,肉麻,但唔知點解又容易接受。呢段嘢唔係版主打,而係 HTC HK 邀請粉絲出席體驗日,所寫的一番宣言。光看呢段文字,已經睇得出 HTC 今次下定決心,要以 U11 挽回粉絲們的信心。唔係單單玩煽情咁簡單,佢哋仲作出了實際的行動: 減價!以往其他廠商,無論手機賣幾錢、送啲乜,都係交俾大舖做主導,但今次 HTC 就一改以往作風,自己主場自己話番事,搞網店優惠搶大舖客,買機輸入優惠碼 (優惠碼係 HTC 發給 HTC 用戶的),除左同大舖一樣有得減 $200,仲會額外送原廠翻蓋式保護套 (價值 $298),不特止,更可以 2 折價錢額外加購指定配件,包括 U Sonic 耳機、QC 3.0 外置充電器以及 HTC Rapid Charger 3.0 連 Type-C 充電線,咁嘅優惠,係唔係吸引過去大舖買呢?
旗艦手機再三劈價!S821 HTC 手機跌穿四千!
HTC U11 今次個價錢咁進取,確實係逼到唔少現有旗艦減價。繼 LG V20、Sony Xperia XZs 受到 S835 手機壓力而減價之後,今個星期再有旗艦手機要減價。講緊嘅係 HTC U Ultra,擁有同 U11 一樣的 3D 水漾曲面玻璃設計,同樣內置 4GB RAM + 64GB ROM,主要係用 S821 處理器,同埋相機唔夠 U11 咁勁,有 5.7 吋 2K 大芒,滿足到唔少鍾意睇片嘅網友需要。建議零售價為 $5698,原本上個月中大舖減到 $4698,以為已經好抵,點知一個月後的今天,大舖突然再減多 $700,最新賣價為 $3998,呢個價錢又吸唔吸引到網友入手呢?HTC U11 (4GB / 64GB) 在文章發表時,建議零售價為 $5098,按這裡有詳細規格及最新賣價。
HTC U11 (6GB / 128GB) 在文章發表時,大舖賣價為 $5398,按這裡有詳細規格及最新賣價。
HTC U Ultra 在文章發表時,大舖賣價為 $3998,按這裡有詳細規格及最新賣價。