4GB 中階手機愈賣愈平!三星 / HTC / 小米 邊部你會揀?

左定坤 (Cho Ting Kwan) 2017-05-31 18:17 | HTC
版主好鍾意留意平價手機,雖然我自己就無乜必要會買機,但每次有啲乜嘢抵玩手機減價,版主都好希望可以盡快同大家分享。今次版主寫呢篇文章,想分享的是一批中階手機,當中特別是 HTC,最近發現有部中階手機出現了新低價,對於無乜必要用貴價買旗艦機,但又唔想用慢到 hi hi 的入門機,網友又會唔會考慮佢呢? 而平價又有 4GB RAM 的中階手機當中,網友又覺得邊部值得入手呢? 睇下文啦!

場料(Facebook).jpg

HTC 中階 4GB 手機大舖價創新低,未到最低位?

講左近期有減價的 HTC 手機先,講的是 Desire 10 Pro,大舖前排已經減左價,賣緊 $2298,呢個價其實算係抵,不過版主相信,呢個價仲未去到最低點,因為呢部機曾經在網絡商出現過 $1598 呢個價錢,即係仲有減價的空間,估計過多不久,Desire 10 Pro 好大機會會跌穿 $2000,你又點睇? 至於相對「新款」一點的 U Play,亦都同期減價至 $2798,你會揀 Desire 10 Pro,抑或加多 $500 買 U Play 呢?

U Play & Desire 10 Pro.jpg
▲ Desire 10 Pro 早排大舖減價至 $2298,至於比較新款的 U Play,亦都減多 $200,你又會點揀?

信唔過 HTC,三星中階機又係唔係真係好?

你可能會話,$2298 買 Desire 10 Pro,雖然都係叫有平到,但 HTC 見到未必想 Help,加上又要用 MTK U,有 4GB 都唔係好想用啦! 如果唔想要 MTK U,差不多價位當中,三星 C5 Pro 可以滿足到你嘅要求,又有 Qualcomm S626 處理器,而且都係 4GB RAM + 64GB ROM,大舖賣緊 $2898。C5 Pro 用落係唔差嘅,個樣都叫靚靚仔仔,不過佢俾唔到你嘅,係影相質素,事關版主娘親用緊 C7 Pro,影出黎質素連佢都接受唔到,特別是夜攝方面。但問心果句,講到性價比,呢部機都算係高嘅。

c5pro.jpg
▲ 佢同期仲有部 C7 Pro,不過除左芒大啲,無乜太大特別,所以如果係要玩 C 系手機,C5 Pro 已經好足夠。

不敗傳說!小米 S625 4GB 手機為性價比皇者?

二千幾蚊買 4GB 中階機都係嫌貴,無辦法了,唯有出殺手鐧 - 最屈機性價比皇者紅米 Note 4X。呢部機,真係除左掛着大陸品牌之外,同埋相機質素比較差之外,其他嘢其實真係無得挑剔,4GB + 64GB 版本都只係 $1399,你仲想點喎? 想買大芒機的話,今日發表的小米 Max 2,亦都可以考慮,同樣用 S625 + 4GB RAM,都不過賣 $1899。另外,如果想入手,我會建議都係直接去番官網買,會比起出面大部份舖頭仲要平。

prince1025_3_d20a14e03a906dd17a1d4633a796e1e0.png

HTC Desire 10 Pro 在文章發表時,旺角蘇寧賣價為 $2298,按這裡有詳細規格及最新賣價
HTC U Play 在文章發表時,大舖賣價為 $2798,按這裡有詳細規格及最新賣價
三星 Galaxy C5 Pro 在文章發表時,大舖賣價為 $2898,按這裡有詳細規格及最新賣價
紅米 Note 4X 在文章發表時,建議零售價為 $1399,按這裡有詳細規格及最新賣價
小米 Max 2 在文章發表時,建議零售價為 $1899,按這裡有詳細規格及最新賣價

最新新聞