U11 開賣在即!紅色版本 7 月有貨!
先講下最新部 S835 旗艦 U11,率先推出的是 128GB 版本,於 6 月 6 日會在 HTC 香港網絡商店以及各大指定經銷商正式開售,建議零售價為 $5598,而大舖暫時仲有「即減 $200」的預訂優惠,正式開賣會唔會再減,暫時是未知之數,不過目前來說,應該係 HTC 官網訂最着數。顏色方面,首先上市的是炫藍銀以及寶石藍,至於亮麗黑以及冰雪白,上市日期則未定。咁果隻好型嘅艷陽紅色,又幾時有得買呢?HTC 預計會在 6 月下旬開始接受預訂,大約 7 月初正式開賣。U11 俾版主的感覺係,各方面都相當完美,配置亦幾乎可稱霸 Android 手機,你又會唔會想買呢?全線 HTC 手機減價,邊部抵玩呢?
有減價的 HTC 手機,包括有 U Ultra、U Play 以及 Desire 10 Pro,減幅都是二百至三百不等,就好似 U Ultra 咁,原本係賣緊 $3998,點知最近百老匯就減至 $3698,而豐澤則暫時未有減價消息。至於中階機種 U Play,則由原來的 $2998 減至 $2798,而 Desire 10 Pro 則由 $2598 減至 $2298。呢幾部手機當中,你又認為邊部至抵玩呢?留言討論下啦!▲ Desire 10 Pro 而家跌到「即減 $1000」的水平,而 U Play 亦都比原來平多兩舊。
▲ U Ultra 方面,豐澤都仲未有減價消息,但百記已經賣緊 $3698,同 10 仔同價。
HTC U11 在文章發表時,大舖預訂價為 $5398,按這裡有詳細規格及最新賣價。
HTC U Ultra 在文章發表時,大舖賣價為 $3698,按這裡有詳細規格及最新賣價。
HTC U Play 在文章發表時,大舖賣價為 $3498,按這裡有詳細規格及最新賣價。
HTC Desire 10 Pro 在文章發表時,大舖賣價為 $2298,按這裡有詳細規格及最新賣價。