主題:最平 $3500!三星有份!幫你揀抵玩 S835 6GB 旗艦

ePrice HK
  • 發表時間:2017-09-29 21:15 收錄檢舉
    有時覺得,今時今日只有一機在手,基本上已經是萬能,好多東西都能夠做到。除了用於跟朋友維繫感情,手機仲可以打機、睇片、影相等等,透過一些 App,甚至連剪片都可以做到,真係好勁!不過,如果沒有強大硬件加持,有時會用到好燥底。S835 處理器 + 6GB RAM,已經漸成今日旗艦手機的標準,但一般都不會便宜。想搵抵玩 S835 6GB 旗艦,可以有乜選擇呢?最平 $3500!三星有份!又有無邊部啱你心水呢?睇下文啦!

    最平 $3500!三星有份!幫你揀抵玩 S835 6GB 旗艦
     

    HTC U11 大舖減價,原價直劈七百,夠吸引力?

    先由近期大舖有減價的 HTC U11 說起,在眾多 S835 旗艦手機之中,U11 開價老實並不昂貴,$5598 入手 S835 + 6GB 手機,而且相機表現大受好評,絕對好難同個「貴」字有掛勾。不過,自開賣減左 $200 之後,U11 一直都無再減價,隨着時間流逝,吸引力就大大降低。有見及此,衛訊就將 U11 劈價至 $4880,原價直劈 $700,雖然未能稱得上是最平價 S835 旗艦,但相信還是會吸引到部份網友入手。你會唔會係其中一個呢?

     

    三星 S8+ 細舖平大舖近千元

    百花入百眼,並不是個個網友都鍾意用 HTC 手機,咁唔知如果係三星,你又會唔會考慮呢?說的是 Galaxy S8+,雖然大舖減得果三百咁少,但版主都有講過,出面細舖 64GB 版本已經跌價至 $5000 左右,而 128GB 版本則跌價至 $5600 左右,相比出面大舖平近千元。

    最平 $3500!三星有份!幫你揀抵玩 S835 6GB 旗艦
     

    最平最抵玩 S835 6GB 手機係佢?你 Buy 唔 Buy 先?

    不過,講到要鬥平鬥抵玩,一定無一部 S835 6GB 旗艦手機,抵玩得過小米 6。建議零售價 $3499,三千五有找就可以入手,仲要係 128GB,粗粗地玩下,其實係正嘅~不過,唯一最大的缺點,在於佢嘅相機,一拍埋落 U11、S8+ 度,就好明顯看得出,小米 6 相機的質素並不如人。但平心而論,三千五咋喎,你想要有乜要求呢?至少影相差極,版主覺得佢都仲係比某老字號品牌好。呢幾部 S835 6GB 旗艦之中,你會揀邊部呢?

    最平 $3500!三星有份!幫你揀抵玩 S835 6GB 旗艦

    HTC U11 在文章發表時,大舖賣價為 $4880,按這裡有詳細規格及最新賣價
    三星 Galaxy S8+ (64GB) 在文章發表時,大舖賣價為 $6098,按這裡有詳細規格及最新賣價
    三星 Galaxy S8+ (128GB) 在文章發表時,大舖賣價為 $6698,按這裡有詳細規格及最新賣價
    小米 6 在文章發表時,建議零售價為 $3499,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁