11 月新晉千元手機之選 - $1798 入手 HTC U Play 抵唔抵?
今個月減價、版主認為性價比挺高,很值得入手的手機,應該是 HTC U Play,現時衛訊賣價為 $1798,成功晉身千元手機行列,採用了 5.2 吋 1080p 屏幕,機背用上 3D 曲面水漾玻璃設計,配備 MTK Helio P10 處理器,內置 4GB RAM 以及 64GB ROM,並支持 microSD 擴充。相機部份用上前後 1600 萬像素鏡頭,主鏡頭則支持 PDAF 相位對焦以及 OIS 光學防手震,以千元手機來說又有不俗的拍攝表現,這部 HTC U Play 應該都是不二之選。不過,電量方面就相對少一點,只有 2500mAh,不知網友又會否考慮呢?▲ 衛訊賣緊 $1798,而豐澤就追不到衛訊的減幅,賣 $1919。
硬淨 Nokia 6 細舖價約 $1888
想搵部千幾蚊又有 4GB RAM 的手機,Nokia 6 都係一部可以諗得過的手機,旺角有細舖賣價 $1888,個芒相比 U Play 大一點有 5.5 吋,內置 4GB RAM 但儲存容量只有 32GB,配備 Qualcomm S430 處理器,並具有 3000mAh 電池。Nokia 6 其中一個優點是機身夠硬淨堅固,但相比 U Play 有個很大的缺憾,就是雖然都是 1600 萬像素,然而相機表現還是不如理想。性價比之選 Android One 小米 A1,會抵玩過 HTC U Play?
唔介意大陸機的話,小米 A1 算是一個不錯的選擇,聽聞呢部小米手機銷量都很好,甚至官網曾經一度賣到斷貨。咁又係嘅,小米 A1 唔單止夠平,只係賣 $1799,csl. 再平啲賣 $1709 仲有 100 Club 積分,而且同 HTC U Play 一樣係有 4GB RAM + 64GB ROM,最重點的是佢係小米同 Google 首次合作推出的 Android One 手機,運行原生 Android 系統,配備 Qualcomm S625 處理器,相比用同一粒處理器的小米 Max 2 順暢得多。再加上樣又唔差,當後備機玩下絕對玩得過。只不過都係果句,小米手機的相機表現尚未成熟,如果未來連相機質素都改善埋,小米應該會愈來愈多網友考慮。呢幾部千元手機當中,你又會揀邊部呢?HTC U Play 在文章發表時,衛訊賣價為 $1798,按這裡有詳細規格及最新賣價。
Nokia 6 在文章發表時,旺角細舖賣價約 $1888,按這裡有詳細規格及最新賣價。
小米 A1 在文章發表時,csl. 賣價為 $1709,按這裡有詳細規格及最新賣價。