劈價二千九！5.7 吋 2K 芒 4GB / 64GB 旗艦新低價 跌穿網友心理關口未？

左定坤 (Cho Ting Kwan) 2017-11-14 18:20 | HTC

5.7 吋，放在上年來說，都還可以稱得上是大芒，不過來到 2017，唔少旗艦好似 Samsung Note8、LG V30+ 等等，都起碼有 6 吋或以上，仲講 5.7 吋，而家嚟講似乎還是不夠大。不過叫做認識網友都兩年有多，都知其實規格配置如何，並不是影響網友入手的因素。到底賣幾錢，過唔過到網友認為「值得入手」的標準，這才是重點。最近有部 5.7 吋 2K 芒 4GB / 64GB 的旗艦機出現新低價，原價直劈二千九，又跌穿網友心理關口未呢？



說的是 HTC U Ultra，其實係咪出左好耐呢，又唔算真係十分耐，佢係今年二月的時候推出的產物，不過因為其後接二連三又有 U11，而家又有 U11+，所以舊機個價都逼住係咁減價，今個月減多左九百蚊，最新賣價為 $2798，相比原價的 $5698 直劈二千九，呢個價網友又是否接受？



U Ultra 是 HTC 首部用上「3D 水漾曲面玻璃」的旗艦機，採用了獨家「三軸對稱曲面」技術，背面玻璃不論在 X 軸、Y 軸，或是對角線都做了 3D 曲面設計，並且具有 5.7 吋 2K 芒。規格部份 U Ultra 配備了 S821 處理器，內置 4GB RAM 以及 64GB ROM，用上 1200 萬像素主鏡頭以及 1600 萬像素前置鏡頭，支持雙卡雙待功能並內置 3000mAh 電池。

HTC U Ultra 在文章發表時，大舖賣價為 $2798，按這裡有詳細規格及最新賣價。