除了 Sony Xperia XZ1 有高性價比，另一部比較值得注意的 S835 旗艦手機，應該歸 HTC U11 莫屬。你話因為 U11 Plus 出左又好，你話點點點都好，總之而家個情況係，新機仲係一蚊都無減，賣 $5598，但 U11 大舖已經一減再減，最新賣價為 $4598，相比原價平足 $1000。
不過，雖然大舖係一減再減，但目前始終追不上 SmarTone 的劈價速度。早前版主 Keith 同大家講過，SmarTone 買 U11，只需 $4298 就可以入手，而且唔使上台，直接 walk in 買機就 ok，無貨可以留名預訂。之但係，呢個價係咪已經目前最平行貨價呢？未算係。SmarTone 減到咁平，出面細舖如果唔做到再平啲，都好難吸引到網友入手，但也許 SmarTone 個價實在太低，導致不少細舖想平好多都難，最多只能平多 $200 左右，先達行貨價約 $4098。呢個價，你會揀 Sony Xperia XZ1，抑或是 HTC U11 呢？留言討論下啦！
HTC U11 在文章發表時，大舖賣價為 $4598，按這裡有詳細規格及最新賣價。