S845 上場!S835 旗艦開始減價!HTC 帶頭減,網友會 Help?

左定坤 (Cho Ting Kwan) 2018-03-17 13:16 | HTC
版主成日都會落舖留意住手機價,相信係 ePrice 網友都會知道。記得上個月的時候,版主就同大家講,S835 旗艦終於要減價喇!果陣重點減價手機是 HTC 的 U11,大舖減價 $1300,算係一部幾值得考慮的手機。然而,果陣 U11+ 淨係減得果 $100,就被版主斥之「弧寒」。可能因為聽到我咁講,又或者因為 S845 手機都已經上場嘅關係,U11+ 再唔減都好難吸引到網友入手,於是乎今日起再在大舖有減價,今次又減幾多呢?睇下文啦!

HTC(Facebook).jpg

今次減價的手機,淨係得 HTC U11+,U11 無份。不過都正路嘅,其實 U11 而家 $4298 呢個價,真係幾抵玩,就算唔減,都仲抵玩過不少的 S835 旗艦。反而 U11+ 個價,之前淨係減果 $100,未免太少了,網友當時就話,減到 $5098 就差不多。到底 HTC 今次減價,又滿足到網友期望未呢?

實在可惜的是,雖然大舖係減左價,但依然係未到網友的心理關口。U11+ 大舖最新賣價為 $5298,相比舊價再平多 $200,但咁係咪叫做抵?絕對唔可以話係。不過,如果真係想再平少少可以入手,深水埗有細舖行貨只係賣緊 $4900,或者叫做容易接受少少?而假若純粹追求 S835 的效能,亦都可以考慮 Sony Xperia XZ1,$3998 暫時來說都係算性價比高,當然等 XZ2 正式上場之後,估計個價仲有機會會再進一步調整。

29315088_578079312550879_4880763288570298368_n.jpg

近期,又有無乜嘢機吸引到網友入手呢?留言分享下啦!

HTC U11+ 在文章發表時,大舖賣價為 $5298,按這裡有詳細規格及最新賣價

最新新聞