於是送左去葵涌Service Centre 維修, 結果同我講如果無咩人為損壞7個工作天整好...(7日!!!!! <---真係唔知知以後點Help 得落!)
於是我放低左整, 直到第二日下午，我打去HTC 熱線3077 5588查詢進度，個客服同我講部手機因維修部判定為人為損壞，換Screen報價$1,880!
於是我問佢地點判定我部機係人為, 我部機連條花痕都無, 又無跌落地, 佢地話我地係唔會知你點用, 但係佢地用所見徵狀，可以判斷手機曾受擠壓...
我真係非常不滿, 同佢講我要上訴佢呢個決定, 我同佢講, 我又錫機, 花都無整過, 點樣重力壓個mon 整到有黃斑, 我就講如果手機入水，手機內部有水漬或氧化等等既決定性特徵判斷為人為損壞而不獲保養，我都覺得合理D, 而HTC 淨係以”可能有過度的擠壓使熒光幕出現黃斑”為理由，拒絕幫我整部手機, 咁我要求揾supervisor，但CS 話，super 唔會對外聯絡為reject，跟住就cut 我線, 態度極為差劣 。
之後我再打去 HTC 熱線，operator 話你再要有其他的投訴，就自己去維修中心處理，咁我就上多去一鑊，但係去到惟維修中心又話，中心只負責收機，所有決定由HTC 負責 。 HTC 同維修中心互相卸責，不負責任，又話即使協助，佢地係要求HTC 回覆，唔可以決定d 乜 。於是我要求維修中心聯絡HTC，要求supervisor回覆 。我呆坐左大概45分鐘，我收到HTC 主管 Eric Leung 電話(鬼到用133 打黎)，講來講去3 幅被, 話我部手機必須付費維修，唔係就將手機退返比我 。我又再講, 你懷疑我係咁, 又證明唔到, 係咪即係你地覺得就可以? 如果我部電話唔著, 你覺得我不當用部電話, 就可以唔使整? 我再表明無以非正常手法使用手機，又未曾經第三方維修，更加未曾用力擠壓手機，唔可能出現HTC 維修部所指”因不當的擠壓而印致熒光幕出現損壞狀況 。但Eric Leung 以極差劣態度回應我，HTC 維修部認為是這樣，結果就是這樣，一係你比$1,880元維修，一係你取回手機，你自己決定 。
我表明要求上訴，但Eric Leung 繼續話公司不設上訴，HTC 係咁樣的決定，如果你有咩不滿，隨便向第三方進行投訴 , 佢無所謂。我果下就要求取得HTC 香港辦事處地址及電話，Eric Leung 就用極為輕挑態度講，佢不想亦無必要向本人提供呢d資料，總之整或唔整就由我自行考慮 。
之後我睇返HTC 香港網站，打算詳細睇睇佢個維修政策 ，但係點知連果版都delete 埋。
https://www.htc.com/hk-en/support/warranty-statements.html
我真係好無言...一間公司點解可以做成咁, 同d 先達黑店有咩分別?
HELP THIS COMPANY 我真係HELP 唔落囉再, 我本身買部機就係覺得HTC software 唔錯, 先唔買Samsung, 點知service 衰到咁...
買既真係諗清楚!
Update: 25/04/2018
HTC 真係好野, Eric Send返個canned meessage 話我知要$1880, 無諗過解決件事!
Update: 25/04/2018
突然send 個sms 比我, 同我講取回手機! 即係唔會幫我整
但係葵涌都寫錯, 唔知發生乜事
