版主之前就教過大家 SUN Mobile 出機大法，而家網友識得玩，就會在買機之前格埋 SUN Mobile 個價先。當然，你懶的話，唔緊要，版主之前都同大家格過下，詳情可以睇返版主之前的教學 + 格價文。留意一下，果陣 HTC U12+ 大舖價係一蚊都無減，賣 $6598，係到近期大舖先將佢減多 $200，賣 $6398，依然係貴過 SUN Mobile 的 $6004。
由今日起至 8 月 7 日，衛訊做緊限時優惠，HTC U12+ 以優惠價 $5998 發售，限量 100 部，顏色有黑色同紅色。你會話，車，同 SUN Mobile 差果 $5 咋喎。但要注意的是，衛訊買機會多嘢送啲，包括有保護貼、USB Type-C 線以及 10400mAh 尿袋，扣扣埋埋，計返係抵過 SUN Mobile 架喇。再加上，今次衛訊既無講要會員先買到，又無講係現金價，自由度大大提高，你鍾意碌卡又得，鍾意現金又得，得咗。數量有限，粉絲們，係時候要 Help This Company 了嗎？
HTC U12+ 在文章發表時，衛訊限時優惠價 $5998，按這裡有詳細規格及最新賣價。