。雖然傳聞 4G LTE 版既紅米同埋紅米 Note 都準備發佈，不過場內仍然炒價 $300 ~ $500 不等，睇落真係有排炒。見到炒價咁貴，不如留意一下之前介紹過同紅米 1s 、紅米 Note 比拼性價比既 ASUS Zenfone 系列，場內做緊減價平兩成，似乎性價比唔錯啵！
▲場內 Zenfone 6 賣平定價 $400 ，大約 $1,500 就有交易，性價比增加不少。就版主所知道，香港的 Zenfone 6 只有 32GB 版本，大家記得問清楚同埋檢查清楚，以免買錯水貨！
Zenfone 6 場價平 $400 抵過買紅米？Zenfone 5 缺貨又炒過？
每一次講起紅米，大家既印像係「性價比高」定係「買唔到」呢？經常行場既版主 Eddie 諗到既就係「炒價」啦。紅米剛剛被炒完，新出的紅米 1s 一出行貨就直接炒到 $1,200 ~ $1,300 ，而紅米 Note 版主甚至見到炒價達到 $1,700 ~ $1,800 ，那麼誇張的價錢會唔會仲有網友入手呢？另一方面版主就發現 Zenfone 6 場價比起官價平 $400 ~ $500 ，用 $1,400 ~ $1,500 就可以入手「全新行貨」，比起不少炒價的紅米 Note 都便宜啊！講規格， Zenfone 6 採用 6 吋 720 x 1280 解像度 IPS 屏幕，Intel Atom Z2580 2.0GHz 雙核心處理器、 2GB RAM ，內置8GB 容量並可以外置插卡，又有 1300 萬像素主鏡頭和 200 萬像素前鏡頭，而且內置 3300mAh 大電池。紅米 Note 同佢比邊部比較好？上次版主上手試既時侯同大家分析過，當 Facebook 相容性解決了之後用起來沒什麼問題，拍攝方面也實在不錯。
至於賣價 $1,199 的 Zenfone 5 呢？雖然今次唔只衛訊獨家賣，不過似乎很難找到它的縱影，問過幾間鋪頭都冇貨，有貨的地方都炒貴 $50 左右來賣，會唔會真係咁搶手？有人話呢個價錢不如買紅米 1s ，不過相信除左小米之外大家還有其他選擇吧。如果預算有限係 $1,000 你又會揀邊部機呢？留言同版主們討論一下吧！
▲場內除了行貨 Zenfone 5 和 Zenfone 6 之外，亦有水貨版本的 Zenfone 賣，價錢比較便宜，大家又點揀呢？
在文章發佈的時侯， Zenfone 5 （高階版）8GB 定價 $1,199 ，按此看詳細規格跟最新賣價。
在文章發佈的時侯， Zenfone 5 （高階版） 16GB 定價 $1,299 ，按此看詳細規格跟最新賣價。
在文章發佈的時侯，ASUS Zenfone 6 (32GB) 定價 $1,898 ，按此看詳細規格和最新賣價。