▲ 係 Zenfone 2 正式發佈前, Padfone S 又再減價,唔知會否影響到大家入手 Zenfone 2 的意欲呢?
一個月內兩度減價!FHD 芒 S801 處理器 Padfone S $1850 買得到!
能夠做到同 Zenfone 2 價錢同樣吸引嘅手機並唔係出自其他牌子,而係同樣來自 Asus 的 Padfone S !好記性的朋友應該會記得係月頭版主已經提過佢係大鋪減到 $2050 。純以規格來睇呢部機同 Zenfone 2 相差真係唔太遠,除左同樣支援 4G 之外又一樣有 5 吋 FHD 屏芒、Qualcomm S801 2.3GHz 四核心處理器、2GB RAM、 16GB 容量(支援最大 64GB Micro SD)。相機方面都有 1300 萬像素主鏡頭和 200 萬像素前鏡頭,內置 2300mAh 電池。對比返 Zenfone 2 最高規格版本 ZE551ML 的 5.5 吋 1920 x 1080 解像度屏幕、Intel Z3580 2.3GHz 四核心、4GB RAM 、32GB ROM 、1300 萬像素主鏡頭與 500 萬像素前鏡頭,內置 3000mAh 電池, Padfone S 都只係輸在芒細左 0.5 吋, RAM 同前鏡差啲以及電量較少。而係價錢方面,月頭已經減過一次的 Padfone S 而家由 $2050 再減到 $1850 ,而用指定信用卡的話就再平多 $52 ,盛惠 $1798 ,看來大鋪對 Padfone S 清貨的決心都幾大⋯⋯▲ 呢部 Padfone S 用「早買早享受,遲買平兩舊」來形容都幾貼切⋯⋯
如果以 S801 手機來計的話,其實目前 Asus Padfone S 經過一個月內兩度減價後係價錢上真係比其他行貨 S801 手機平唔少,以性價比來計可能得規格都算相近的魅藍 note 可以一拼。唔知對有意入手 Zenfone 2 的朋友來講,兩千蚊都唔使的 Padfone S 又能否吸引到你呢?下面就有魅藍 note 、 Padfone S 同埋 Zenfone 2 的規格比拼,大家都不妨留言分享下啦!
(話說, Asus 安排左係 4 月 1 號係香港發佈 Zenfone 2 ,咁啱果日同樣係 Samsung Galaxy S6 同 S6 Edge 的發佈日,大家記住要留意 ePrice 啦!)
在文章發佈的時侯,Asus Padfone S 定價 $1,850 ,按此看詳細規格和最新賣價。
在文章發佈的時侯,Asus Zenfone 2 仍未正式發售,按此看詳細規格和最新賣價。
在文章發佈的時侯,魅藍 note 32GB 定價 $1,649 ,按此看詳細規格和最新賣價。