Asus X Yahoo 限時優惠! Padfone S 又再減價促銷
其實係三月尾的時候版主已經分享過 Asus 同大鋪做緊優惠,平到千八蚊有交易。而家 Asus 「再下一成」,今次就聯同 Yahoo 香港推出限時優惠,係 Yahoo 團購裡面推出左 $1699 入手 Padfone S 限時優惠。以規格而言其實 Padfone S 唔會比小米 4i 差,同樣支援 4G 同時兩部機用上左 5 吋 FHD 屏幕,而係處理器上面 Padfone S 就用緊 S801 2.3GHz 四核心處理器,理論上應比 Qualcomm S615 配 2GB RAM 的小米 4i 好啊。而不少朋友都提到小米 4i 只得 16GB 內存容量又不能插卡係一大敗筆, Padfone S 呢點係有優勢的,有 16GB 內置容量同時支援最大 64GB Micro SD 。相機方面 Padfonr S 有 1300 萬像素主鏡頭和 200 萬像素前鏡頭,但電池只得 2300mAh 就可能係一個問題了。如果以性價比來講 $1699 買到行貨 S801 FHD 芒手機都算係不錯,不知大家又會點揀呢?▲ 係寫緊呢篇稿時,Padfone S 的優惠尚餘 6 日,另外呢次優惠仍寫明「原廠行貨,保養一年」。
Zenfone 2 64GB 版大鋪仍然缺貨。小米 4i 都可能要「搶」?
又再講下有不少網友支持的 Zenfone 2 ,對於有意入手呢部機的朋友來講首選當然係佢嘅 64GB 內置容量同 4GB RAM 頂配版本啦!可惜版主今日再到大鋪問 64GB 版本時普遍都仍然係無貨的(只得一間旺角衛訊話有少量存貨)而係深水埗場內有賣 64GB 版本 Zenfone 2 的鋪頭目前賣緊 $2699 ,比起建議售價貴兩百蚊。想入手的朋友可能都係要等多陣先可以係大鋪用正價買到了。最後再提下小米明天係香港發佈的小米 4i ,為左隆重其事,小米香港就係 Facebook 上搞左個估賣價贏 F 碼活動。如果根據返小米係印度發佈會時候所公佈的資料,理論上小米 4i 的賣價應該會係 $1593 左右。另外因為小米 4i 目前未有係大陸推出的關係,大家想入手的話好可能只係等官網有得賣啦,根提早前推出的紅米 2 同埋小米平板的經驗,小米 4i 開賣前要「輪米」的機會其實都唔細,不知大家又會否一起搶呢?快啲留言講下意見啦!
▲ 小米 facebook 今日就搞左個估賣價贏 F 碼活動,大家又覺得小米 4i 賣價會係幾多呢?
來源: Yahoo 香港
在文章發佈的時侯,Asus Padfone S 定價 $1,850 ,按此看詳細規格和最新賣價。
在文章發佈的時侯,小米 4i 仍未正式在港開賣,按此看詳細規格和最新賣價。