Zenfone 2 64GB 版 Asus Store 返齊貨！場內更跌價！
係上次提到 Zenfone 2 能在 Asus 官方網上商店買到的時候，版主就提到當中的金色版同黑色版仍然係未能夠買到的，而細鋪就相對地較齊貨。事隔近一個月， Asus Store 終於都返齊貨啦！係最話配置的 Zenfone 64GB 版本上除左灰色外，金色同埋黑色都可以買到，不過要留意 2GB RAM 的 16GB 版本反而有兩隻色「補貨中」，買家只能購買紅色了。當然，如果想平買的話，深水埗黃金都係會有優勢的。以定價 $2499 的 64GB 版本來講，係場內價錢大約 $2390 可以買到，平左一百蚊左右。而 32GB 版本本身定價係 $2099 ，係場內不用兩千，可以用 $1940 入手。最平 $1499 的 720p 16GB 版本也只需 $1380 。
▲ 想唔到，當初最搶手的 64GB 版而家竟然有齊，但 16GB 版卻缺貨。
上一代 Zenfone 5 場內一樣有平，千元有找買到 4G 版
大家睇左上文，可能不禁會問，就好的「最平一千有找」呢？其實所指的係 Zenfone 5 啊！係 Zenfone 2 推出後 Asus 人氣一下子高了不少，連帶上代的 Zenfone 5 亦多左人留意，不少深水埗細鋪也籍此機會希望快點清晒啲貨。而過左數個月，場內有賣 Zenfone 5 的鋪頭雖然係少左，但仍然係有的，更有少部機將機價再減！前排平到不足千元的 Zenfone 其實只有 3G 雙卡版本的 Zenfone 5 ，但無 4G 咁大獲版主當然不會提啦！到左近排，就有部份細鋪將 4G 版本的 Zenfone 5 都減至 $999 ，同 3G 雙卡版一樣。但要留意，其實 4G 同 3G 版係規格上係有少許不同的，主要在於處理器方面。 3G 版本係用上 Intel Atom Z2560 雙核心處理器配 2GB RAM ，而 4G 版就係用返 Qualcomm S400 但只有 1GB RAM 。終於千元樓下機種又多一員啦！不知大家又覺得而家會否係 Zenfone 系列入手的好時機呢？不妨留言講講啦。
▲ 雖然 Asus 劈價功夫一流，但 Zenfone 2 賣得咁好，睇怕都好難見佢地大幅減價了。
▲ 同樣是 Zenfone 5 ，但單卡就係 4G 版而雙卡就是 3G 版。
在文章發佈時， Asus Zenfone 2 720p 版定價為 $1499 ，按此看詳細規格和最新賣價。
在文章發佈時， Asus Zenfone 2 32GB 版定價為 $2099 ，按此看詳細規格和最新賣價。
在文章發佈時， Asus Zenfone 2 64GB 版定價為 $2499 ，按此看詳細規格和最新賣價。
在文章發佈時， Asus Zenfone 5 4G 8GB 版賣價為 $1299 ，按此看詳細規格和最新賣價。
在文章發佈時， Asus Zenfone 5 3G 16GB 版賣價為 $1298 ，按此看詳細規格和最新賣價。