720p 版 Zenfone 2 Asus Store 全線斷貨！金色版 Zenfone 多人搶？
朋友所反映的 Zenfone 2 買唔到其實係指 Zenfone 2 之中最便宜的 ZE550ML 系列。呢款 Zenfone 雖然係規格上同以 4GB RAM 做主打的 Zenfone 2 ZE551ML 有不同，包括只有 720p 解像度同埋係處理器方面都係用上 Intel Z3560 1.8GHz 處理器而不是 64GB 版本的 Intel Z3580 2.3GHz 處理器，係 RAM 方面都只係得 2GB 同埋內置容量只有 16GB 。雖然係規格上係次一個檔次，但相信係因為在賣價上極具競爭力的關係，在 Asus Store 上版主發現紅色、黑色以及白色版的 Zenfone 2 ZE550ML 都被搶光！係上個月版主同大家分享 Zenfone 2 場內跌價的消息時就提到過，係 Asus Store 上已有兩隻色的 ZE550ML 「補貨中」，想唔到過一排竟然會全部斷貨。除左 ZE550ML 系列外，個別顏色的 Zenfone 2 都特別搶手，所指的就是金色版 Zenfone 2 啦，目前係 Asus Store 上， 128GB 版本以及 32GB 版本的金色 Zenfone 2 都已經無貨。
▲ Asus 方面話金色版本的 Zenfone 2 將會係下周返貨。
不止 Asus Store ！ 16GB 版本大鋪、深水埗同樣斷貨，原因係有新機？
如果只係 Asus Store 無貨其實都不見怪，始終賣晒補貨都好平常，但如果係深水埗黃金同福仁場內同埋大鋪都無貨，咁應該算離奇吧？今日版主到過多間衛訊同百老匯查詢 Zenfone 2 情況，發現目前衛訊已經無賣 16GB 版本，而百老匯雖然仍然有賣但就無貨，而下次到貨的日期目前都不清楚。另一處入手 Zenfone 熱點深水埗情況亦都相似，版主在黃金同福仁場內問過細鋪，得到的回答都係 16GB 版本 Zenfone 2 而家無貨！ 16GB 版本全城無貨實在有古怪，版主經過一輪查詢終於都發現到原因，而家就揭曉！雖然話 Zenfone 當中一開始最受歡迎係最大容量的 64GB 版本，但版主問過不少細鋪店家就發現其實 16GB 版本一樣好有市場，而且多數入手的朋友一入就入兩、三部，所以 16GB 版本一向都好快被買光。不過今次「全城斷貨」並非因為 16GB 版本太好賣，而係 Asus 方面已經抽起唔買，所以店家想返貨都做唔到！之後版主就收到風指出原來下個月 Asus 將會推出可能會係小改版的新 Zenfone 2 的 16GB 版本。但目前有關新 Zenfone 2 16GB 版的消息甚少，只知道好可能會下月推出，而且幾時到貨仍未清楚。版主都有就此事向 Asus 查詢，得到的回應就係金色版本的 32GB 及 64GB Zenfone 2 下星期就會返貨，但係 16GB 版本幾時會返貨同埋係咪會有新 16GB Zenfone 2 佢哋就話不知道。如果真係有新版本的 16GB 版本 Zenfone 的話，大家覺得會有邊方面的更新呢？不妨留言講講啦！
（題目版主寫到教大家入手全城無貨嘅 16GB Zenfone 2 ，睇到呢到相信大家都知答案係乜了⋯⋯就係等啦
）
▲ 有關 16GB 版本的 Zenfone 2 幾時有貨以及係咪會有新版本推出， Asus 方面都話不知情，實在耐人尋味。
▲ 雖然話 16GB 版本而家好難買到，但係 64GB 版係場內都減左少少，版主見過鋪頭標價 $2330 。
在文章發佈時， Asus Zenfone 2 720p 版定價為 $1499 ，按此看詳細規格和最新賣價。
在文章發佈時， Asus Zenfone 2 32GB 版定價為 $2099 ，按此看詳細規格和最新賣價。
在文章發佈時， Asus Zenfone 2 64GB 版定價為 $2499 ，按此看詳細規格和最新賣價。