快要來了？ 4GB RAM + 3 倍光學變焦 Zenfone Zoom 現場動手玩！

Lawrence 2015-09-04 13:34 | Asus

之前 Asus 就係香港推出左新一代的 Zenfone 2 Deluxe 同埋 Zenfone Selfie ，雖然性價比仍然係幾唔錯，但係好似不少網友都對呢批新機不太感興趣，反而對年頭發佈的 Zenfone Zoom 念念不忘。呢部以 3 倍光學變焦的 Zenfone 2 兄弟機雖然係年頭就已經發佈，但一直都未有實機出現過。近日 Asus 就係 IFA 展上再次現身，亦終於有實機可以上手玩，一齊睇睇呢部主打攝影的手機是不是咁值得期待啦！

實機終於現身！ Asus Zenfone Zoom 主打 3 倍光學變焦

雖然 Zenfone Zoom 已經唔係第一次露面，但係可以見到實機仲可以係現場試玩到，就真係之前所未有的情況啦。係規格上 Zenfone Zoom 同而家的 Zenfone 2 分別不是很大，同樣係用左 5.5 吋 FHD IPS 屏幕，而係處理器方面就係用左 2.3 GHz 的 Intel Atom Z3580 處理器（同 Zenfone 2 相同）配上 4GB RAM ，而內置容量方面最高有 128GB 版本（也支援最大 64GB SD 卡）。而相機就係 Zenfone Zoom 的靈魂所在了， 1300 萬像素主鏡頭用左 HOYA 的10件式鏡頭設計，支援 3 倍光學變焦同埋 OIS 防手震。如果問呢部機有甚麼地方不足的話，可能就係電池了，係只係有 3000mAh 電池的情況再根據 Zenfone 2 的經驗，電量可能未必夠用家玩得盡興呢！

係開賣消息方面，版主之所以係標題用上「快要來了」，原因就係雖然 Asus 今次終於有實機供試玩，但幾時開賣都仍然係未比到答案。回想係 CES 2015 上 Asus 提到 Zenfone Zoom 會係 Q2 登場，而家第三季都來了卻仍然未有消息，都幾令人擔心呢！係價錢方面， Asus 早前公佈會係 399 美金（大約係 $3100 港幣左右），即使過左大半年呢個價錢都仍然好有吸引力啊！最後，以下就係外國媒體 PocketNow 的現場試玩片段，睇完之後大家都講下仲有無興趣繼續等啦～



來源：Generationmobiles 、 Pocket Now