「大特價」=無減價? ZenFone 3 5.2 吋電腦節價貴過大舖！
版主在灣仔電腦節會場內，看見到很多熟悉的「面孔」，例如 DC One、訊達等等，在 DC One 的攤位上，貼了一張寫着：「ASUS 手機大特價」的黃色紙，然後下面有一堆手機的價錢。而版主第一眼被 ZenFone 3 吸引過去。新機都有減? 出面大舖死不肯減，就算減都只有 5.2 吋版本小恩小惠減 $100。今次電腦節，又減到幾多呢？從圖中可見，ZenFone 3 5.2 吋寫着 $2399 (原價)，然後打了一個交叉，但世事難料，個交叉如同虛設，原來根本無減價，即係比大舖貴，不過並不排除到電腦節最後一天就有減價。至於 5.5 吋版本，就有得減，減了 $200，賣 $2599。你會特意到會展買 ZenFone 3 嗎？
▲ 攤位在 M21-M26 位置，你可以見到有張紙，大大隻寫住「ASUS 手機大特價」。
▲ ZenFone 3 5.2 吋無得減，仲係 $2399，即係仲貴過大舖。不過 5.5 吋就好些少，減左 $200，賣 $2599。
官網已下架，會展場內二千三入手 4GB + 128GB 手機！
除了 ZenFone 3，其實當中的 ZenFone Max、ZenFone Selfie、ZenFone 2 (128GB)，都算是考慮得過。首先睇下 ZenFone Max，這部 ZenFone Max 並不是充電慢到喊、無快充那部，而是高配版、有快充的那款。大舖一直賣緊 $1799 這個價，無得減，而家電腦節比大舖平兩舊，賣 $1599；至於 ZenFone Selfie，大舖做緊「即減 $200」，企硬已久，而家電腦節有得「即減 $400」，賣 $1599，拋開外型方面不說，這部機適合喜歡自拍的網友；ZenFone 2 其實而家官網都已經無賣，不過如果你想玩平價 128GB 手機，電腦節價 $2299，比原價平 $700，你又會否考慮呢？
▲ ZenFone Selfie 比出面大舖便宜少許。至於 ZenFone 2，$2299 買部 4GB + 128GB 手機，你願唔願意？
小心中伏！ASUS QC2.0 10500mAh 尿袋「會場價」仲貴過官網！
講左 ASUS 手機，那順便說說 ASUS 的手機配件－ZenPower 10500mAh 尿袋！場內見到，有招牌寫着「ASUS ZenPower」會場價 $159，本來版主在想，難道是有 QC2.0 果款尿袋做緊大減價？誰料一問得悉，原來根本就係舊款沒有 QC2.0 那一種，根本就沒有減價，同官網一樣，都係賣緊 $159。那如果想買有 QC2.0 果隻，又多少錢呢？問了店員，電腦節價賣緊 $260...... 即是比 ASUS Store 還要貴......$1，那為甚麼要光顧電腦節呢？因此，網友們逛電腦節的時候要小心中伏，千萬不要買貴了做左水魚！
▲ 會場價...... 同原價有分別嗎？仲要無 QC 2.0...... 有 QC 2.0 果隻仲衰，唔單止無平，仲要比原價更貴！合理嗎？
ASUS ZenFone 3 (5.2 吋) 在文章發表時，大舖賣價為 $2299，按這裡有詳細規格及最新賣價。
ASUS ZenFone 3 (5.5 吋) 在文章發表時，大舖賣價為 $2799，按這裡有詳細規格及最新賣價。
ASUS ZenFone Selfie (32GB) 在文章發表時，大舖賣會為 $1799，按這裡有詳細規格及最新賣價。
ASUS ZenFone 2 (128GB) 在文章發表時，官網已下架，按這裡有詳細規格及最新賣價。
ASUS ZenFone Max (高配版) 在文章發表時，大舖賣價為 $1799，按這裡有詳細規格及最新賣價。
更多香港電腦節 2016 優惠相關文章
[電腦節16] 數六大荀貨：七百蚊有找 Win10 平板 | 旗艦手機千四蚊
版主教路：電腦節 2016 免費入場！精選貨品最平 $1 有交易！
格到至著數！電腦節 2016 ePrice 即時報價，包你無蝕底！
【電腦節 16】 手機三寶格價：記憶卡 + 尿袋 + 外置 HD 會場最荀價？
2 年數據比較！免做「水魚」！版主教你揀 電腦節 2016 真正減價貨
電腦節 2016 華碩新舊手機「大特價」？小心中伏！快充尿袋貴過原價！