$2600 買千六萬前後置相機
講緊嘅係 OPPO 的 R9，主鏡頭有 1600 萬像素，最大光圈有 F2.0，雖然放在今日來說，F2.0 並不算特別大，但用來影風景的話，已經相當夠用。不過，R9 的賣點並不在於主鏡頭，而是同樣具備 1600 萬像素的前置鏡頭，好多時候有靚景，自然會想將自己「融合」到靚景入面（講到咁複雜，咪即係自拍
)，講到自拍，版主記得曾經有網站評價，R9 是 2016 上半年全球自拍手機排行第四，支持美顏 4.0 功能，能夠根據周圍環境，讓整體效果更真實。水貨賣緊約 $2600，呢個價錢買部前又得後又得的「相機」，網友又能不能接受呢？
$2200 有找！2100 萬超高像素 Sony 手機
唔想用大陸機，Sony 亦都係一個不錯的選擇。又未必一定要去到好旗艦的級數，如果想平玩影相唔差的 Sony 手機，可以考慮 Xperia XA Ultra，又有 6 吋大芒，前置鏡頭同 OPPO R9 一樣，都係有 1600 萬像素。雖然 Sony 主要 sell 呢部手機的自拍效能，但事實上主鏡頭方面，並不比旗艦級數的 Xperia X Performance 差，有 2100 萬像素，而且具備 0.6 秒快速啟動連拍攝功能。大舖之前調整過建議零售價，依然做緊「即減 $500」優惠，現時賣價為 $2498，而深水埗細舖則大約賣緊 $2198 左右。
自拍神器大舖優惠，跌到細舖價！
一部專為自拍而設，連個名都寫住自拍的手機，今個月開始在大舖做緊減價，佢就係 ASUS ZenFone Selfie。具有前後置 1300 萬像素 PixelMaster 相機，同時支援自動雷射對焦，加上前後 Real Tone 雙色溫閃光燈，就算在昏暗環境下，都可以拍攝到清楚的相片。原價 $1999，百老匯同渣打合作推優惠，$1499 就可以入手，同細舖差不多價錢，不過就一定要有渣打信用卡先得。有渣打信用卡嘅網友，會唔會考慮入部當後備影相機？
▲ 只限渣打信用卡客戶，如果無渣打信用卡，就要原價 $1999 先可以買到。