巨芒、巨電華碩手機新低價！網友會考慮嗎？
首先要講的 ASUS ZenFone 系列減價手機有 6.8 吋 4600mAh 大電的 ZenFone 3 Ultra，二月果陣版主同大家提到，終於都跌穿左 $4000，落到 $3999，但網友就嫌減得唔夠多，要再減多啲先會考慮。時隔兩個月，終於再有減，最新賣價 $3799，網友又會唔會考慮？想要巨電，但又無必要用到 ZenFone 3 Ultra 咁大芒的手機，亦都可以諗下 5.5 吋的 ASUS ZenFone 3 Zoom，唔單止有 5000mAh 大電，叫得 Zoom 在相機表現都不算太差，推出左一個月，最新賣價 $3799，又諗唔諗得過呢？
▲ ASUS ZenFone 3 Ultra 有 6.8 吋巨芒，而且電都有 4600mAh，減到 $3799 抵唔抵？
▲ 嫌 Ultra 太大部，ZenFone 3 Zoom 同樣有核電，同樣價位網友會點揀？
千元大電手機 ASUS ZenFone 3 Max 再減價
不過你話，唔係喎，其實我只需要一部平平地的粗用機，又可以揀邊部呢？ASUS ZenFone 3 Max 最近都有減價，本身已經唔貴，最近再跌到 $1899，有 4100mAh 大電，配合 S430 處理器，續航能力應該都夠一日使用。但係外型設計成部魅族手機咁，未必個個喜歡，ZenFone 3 有 2 個尺寸，5.2 吋為低配版，而 5.5 吋則相對高配，又啱唔啱你呢？不過 5.2 吋好多大舖已經無貨，而 5.5 吋 ZenFone 3 的最新賣價則為 $2499。
▲ ZenFone 3 5.2 吋好多大舖都無貨，5.5 吋賣緊 $2499。
上面講左咁多部機，為左方便網友比較幾部機的分別，版主會利用 ePrice 比拼系統 show 俾大家睇:
▲ 按上圖或按這裡可以看到 ASUS 四機的分別。
ASUS ZenFone 3 Zoom 在文章發表時，大舖賣價為 $3799，按這裡有詳細規格及最新賣價。
ASUS ZenFone 3 (5.5 吋) 在文章發表時，大舖賣價為 $2499，按這裡有詳細規格及最新賣價。
ASUS ZenFone 3 Ultra 在文章發表時，大舖賣價為 $3799，按這裡有詳細規格及最新賣價。
ASUS ZenFone 3 Max (5.5 吋) 在文章發表時，大舖賣價為 $1899，按這裡有詳細規格及最新賣價。