二千有找有五千巨電!ASUS ZenFone 4 Max Pro 性價比高?
暫時最近期、版主記憶最深刻的巨電手機,應該是 ASUS ZenFone 4 Max Pro (滴汗...... 個名改到咁長,玩死人咩 ),雖然 Specs 就比較偏向低階,用上 S425 處理器 + 3GB / 32GB,而且外觀上又沒有甚麼特別之處,同市面上一些大陸機有相近的風格,不過賣點除左有雙鏡頭之外,仲要具備 5000mAh 大電,可以做 Wi-Fi 蛋又得,其雙向充電做尿袋都得!呢部 ASUS ZenFone 4 Max Pro 將會在 8 月 31 日正式開賣,建議零售價為 $1998,算是近期性價比比較高的作品。小米大電手機大把 choices,不同尺寸任君選擇!
而除左 ASUS ZenFone 4 Max Pro,小米近期都有不少新機可以考慮。唔追求大芒嘅可以有紅米 4X,千元有找 $999 就有 4100mAh 大電,而嫌 5 吋芒細亦可以加多 $100 入手 5.5 吋的紅米 Note 4X。假如想搵部巨芒又巨電用黎平時睇下片的話,更有 6.44 吋的小米 Max 2,都不過是賣緊 $1899,仲要有 5300mAh 巨電,配合 S625 處理器,版主試過真係用兩日都得!唔想用 ASUS,唔想用大陸機,LG K10 Power 又如何?
至於唔想用 ASUS,又唔想用大陸機,咁無辦法,可以考慮一下韓國機 - LG 的 K10 Power,$1698 都玩到 4500mAh 電,不過就用 MTK U,同埋只有 2GB RAM / 16GB ROM,未必合個個網友所好,如果咁嘅 Spec,我會寧願選擇 Moto C Plus 好過,豐澤賣價不過是 $999,都有 4000mAh 電。或者,版主上面講的幾部機,你都未必覺得感興趣,但主要所帶出的訊息是,其實大電手機,真係平平地都可以玩到。唔知以上咁多部機當中,你會覺得邊部最抵玩呢?ASUS ZenFone 4 Max Pro 在文章發表時,將於 31/8 上市,賣價為 $1998,按這裡有詳細規格及最新賣價。
紅米 Note 4X 在文章發表時,賣價為 $1099,按這裡有詳細規格及最新賣價。
小米 Max 2 在文章發表時,賣價為 $1899,按這裡有詳細規格及最新賣價。
LG K10 Power 在文章發表時,大舖賣價為 $1698,按這裡有詳細規格及最新賣價。
Moto C Plus 在文章發表時,大舖賣價為 $999,按這裡有詳細規格及最新賣價。