主題:千元有找高性價比 六吋大芒手機有乜選擇?

ePrice HK
  • 發表時間:2017-10-03 20:17 收錄檢舉
    點解三星 S8+、Note8 可以咁受歡迎?除左有品牌光環,加上 S835 旗艦性能外,計我話仲有一個重要的元素,就係屏幕夠大。今時今日大部份手機都玩到六吋芒以上,無錯有咁大個芒,用黎打機睇片係正嘅,不過如果你唔打機,單純睇片的話,用咁貴價錢入手旗艦手機,又似乎有點浪費。其實想玩六吋大芒手機,駛鬼咁貴咩,千元有找,已經可以入手。想知有乜選擇,睇下文啦!

    千元有找高性價比  六吋大芒手機有乜選擇?
     

    千元有找 可換電 + 高通 U 六吋大芒手機

    首先第一部想講的,是 ASUS 的 ZenFone 2 Laser 6.0。你無睇錯,講緊嘅真係 2 年前推出果部,到 2017 年的今日,ZenFone 4 都已經出左,但大舖依然有賣,衛訊匯豐信用卡清貨價為 $999。一部 $1000 唔使嘅手機,可以俾到你啲乜?除左有 6 吋大芒,解像度有 1920 x 1080 外,佢仲有今日即使是旗艦手機都無的重要賣點:可換電池。而規格配置方面,ZenFone 2 Laser 6.0 並非用 Intel U,而是用上 S616 處理器,內置 3GB RAM 以及 32GB ROM,並具有 1300 萬像素主鏡頭以及 500 萬像素前置鏡頭,電池容量為 3000mAh。突然睇返,其實呢部 ASUS 手機性價比都相當高,直澄拍得住樂視 $799 的 Le 2。你認同嗎?

    千元有找高性價比  六吋大芒手機有乜選擇?
     

    最平價六吋 Android 6 手機?

    講緊嘅係去年 8 月推出的 Alcatel PIXI 4 (6),在旺角細舖行貨價約 $650,而水貨價更低至 $598,不過賣到咁平,如果你仲期望有高配置,你就想太多了。PIXI 4 (6) 配備 6 吋 720p 芒,配備 S210 處理器,內置 1.5GB rAM 以及 16GB ROM,並內置 2580mAh 電池。相機部份,主鏡頭有 800 萬像素,而前置鏡頭則有 500 萬像素。整體配置都超級入門,但當作一部睇片專機,PIXI 4 (6) 其實都勉強夠用。

    千元有找高性價比  六吋大芒手機有乜選擇?
     

    小米 MAX 2 已是第三選擇?

    又要百元機,又要有六吋大芒,除左上面兩部機之外,其實已經無選擇。去到第三選擇可能已經係接近二千蚊嘅小米 Max 2,賣價 $1899,有 6.44 大芒 + S625 處理器 + 5300mAh 電池,雖然並不是百元機,但性價比實在是無機能及。呢幾部手機之中,你又會點揀呢?

    千元有找高性價比  六吋大芒手機有乜選擇?

    ASUS ZenFone 2 Laser 在文章發表時,大舖賣價為 $999,按這裡有詳細規格及最新賣價
    Alcatel PIXI 4 (6) 在文章發表時,水貨價約 $598,按這裡有詳細規格及最新賣價
    小米 Max 2 在文章發表時,建議零售價為 $1899,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁