五千核電 S625 雙鏡手機 大舖偷減價?
版主最近留意到有減價的，是 ASUS ZenFone 3 Zoom，雖然衛訊、豐澤、百老匯都未見有減價，都仲係賣緊 $3598，不過原來蘇寧已經偷偷出現新低價，雖然唔係比其他大舖平好多，只係平多一百賣 $3498，但有地方有減價，點都係一件好事。ZenFone 3 Zoom 配備 5.5 吋 1080p 屏幕，唔單止用上 S625 處理器 + 5000mAh 核電，而且仲要有 12MP + 12MP 雙鏡頭，集廣角同 Zoom 於一身。實不相瞞，以前版主係唔鍾意 ASUS 手機，唔單止覺得 UI 麻麻，就連外型設計都好老土咁，但近年見到 ASUS 手機終於有番符合現代美學嘅設計，叫做改變版主對佢嘅一貫看法。你又認為點呢?
平玩五千大電有兩大選擇！至抵一定係佢！
不過五千大電，又未必真係要去到三千幾呢個價錢嘅，二千有找都有兩大選擇：首先都係 ASUS 的手機 - ZenFone 4 Max Pro，同樣有 5000mAH 核電 + 16MP / 5MP 雙鏡頭，配備 S435 處理器，內置 3GB RAM 以及 32GB ROM，大舖賣價 $1999；但講到最抵玩的，始終不及小米 Max 2，$1899 同樣係玩 S625 U，電仲要有 5300mAh，芒又有 6.44 吋，而且仲要 4GB + 64GB，相比 ASUS 係爭咁個雙鏡頭，如果唔介意大陸機的話，其實小米 Max 2 現階段來說係無得輸。你會點揀？
ASUS ZenFone 3 Zoom 在文章發表時，大舖賣價為 $3498，按這裡有詳細規格及最新賣價。
ASUS ZenFone 4 Max Pro 在文章發表時，大舖賣價為 $1998，按這裡有詳細規格及最新賣價。
小米 Max 2 在文章發表時，官網賣價為 $1899，按這裡有詳細規格及最新賣價。