提早預約肯定有?版主解構 iPhone 6 電訊商上台留位玩法!

Eddie 2014-09-11 18:52 | Apple
一講到 iPhone 6 ,香港人都好似唔多理性。尋日版主 Eddie 都話左出現左亂報價既 Page 叫大家唔好亂 Like ,點知一晚之後又爆多幾個出黎icon,個 Like 數仲要直線上升。尋日又有唔少人話電訊商就已經可以訂機/留位,版主去門市問過發現又係另一回事!想知道點樣上台訂機更有效率?其實我都問過唔少相關人士,呢度就比少少貼士大家!

//timgm.eprice.com.hk/hk/mobile/img/2014-09/11/179130/unrealandy_1_4544_a60b4f5e6dc52eaf11256ccbcc8d0a2c.jpg

提示一 :「預先登記」留資料不等於排隊訂機!明日需要進一步確認!

首先第一樣野同大家講既,緊係「預先登記」代表咩啦。其實今年 Apple 定左規則係 9 月 12 下午先可以預訂 iPhone 6 ,所以 9 月 10 號各大電訊商話可以留資料其實就係比低個人資料,等職員可以係預訂第一日就通知到客戶,有留資料既網友聽日應該會收到電話。問過門市店員在明天 ( 9 月 12 日)正式預訂的時侯,需要落訂金作實,如果聽日有人在門市早一步落訂的,有機會更快攞到機,所以大家唔好覺得上網留資料就係排緊隊。

//timgm.eprice.com.hk/hk/mobile/img/2014-09/11/179130/unrealandy_3_4544_99df5077ca51cd26aaf155d06325cb6e.png
▲這是 SmarTone 的預訂專頁,都寫明 12 號下午才可以訂了,訂機是需要去門市落訂確認的哦!

提示二: 確認好型號、新約/續約!早一步有機到手!

另一個要提醒大家既,就係今年 iPhone 6 和 iPhone 6 Plus 預定需求會好大,所以電訊商都要提早預訂貨量。大家有冇印像係留資料既時侯通常會問係「續約」定係「轉台/開新號碼」?因為電訊商預留比兩邊既 iPhone 係分開既,如果大家臨時改變主意既話,就要重新排過隊!除此之外,店員會問埋會訂邊隻顏色、邊個容量、邊個型號,都係因為貨源極緊,臨時轉軚可能再等多一個月先有貨!

//timgm.eprice.com.hk/hk/mobile/img/2014-09/11/179130/unrealandy_1_4544_73735abb78c44ceb59d66c42e7618959.png
▲聽日正式預訂既時侯就要確認訂邊個型號,因為改變決定會延後攞機時間架

提示三:講明不能 Walk-in 即上台出機!想要即買要訂啦!

仲心大心細訂唔訂好?想等多幾日甚至等到開賣當日?比多個貼士大家,問過從事電訊行業既朋友,佢地都話今年 iPhone 6 同埋 iPhone 6 Plus 留資料既人比起上年多,甚至比起 iPhone 5 的時侯更多!所以有樣野好簡單,就係唔好諗開賣短期內可以 Walk-in 即上台出機,情況可能好似 iPhone 4/ iPhone 5 咁要等半個月先有機,
//timgm.eprice.com.hk/hk/mobile/img/2014-09/11/179130/unrealandy_3_4544_52be1ad65798cee6a0a919b0d59baad6.jpg
▲版主問過很多間門市,他們都說今年肯定不能開賣即日 Walk-in 上台,因為預訂的人實在比去年多很多

提示四:月費預計幾日內出!緊記留意 ePrice.com.hk

呢個真心重點既提示,就係月費會係幾日內出(預計最快聽日);版主 Eddie 就會照慣例同大家計月費。大家記唔記得上年 iPhone 5s 就係正式取消無限上網既日子,今年聽講電訊商有加價既諗法,想知道最新上台月費資訊,當然要睇 ePrice.com.hk 既更新啦!
  9 月 12 訂機唔係最快到手?版主教路 iPhone 6 最速買機方案!
11 款 iPhone / iPad 有得升! iOS8 最快下星期用得啦
iPhone 四千有找用 4G!iPhone 5s 減價 $1,300 衝唔衝?
規格再次完敗?iPhone 6 、6 Plus 惡鬥 Samsung Note 4、 LG G3!

最新新聞