【版主分享】入門果農的 iPhone 6 放機 5 個秘訣

Eddie 2014-09-19 19:52 | Apple
今年最瘋既一件事,版主們都覺得係 iPhone 6 開賣,今年既混亂程度真係過去幾年不可以比較。除左因為有兩部 iPhone 出現之外,亦都因為今年唔少人加入戰團。究竟想放 iPhone 6 或者 iPhone 6 Plus ,有冇咩秘訣或者一定要知既事情呢?版主 Eddie 過去兩三年都見識到唔少,就同今年既「果農」講一講。

//timgm.eprice.com.hk/hk/mobile/img/2014-09/19/179271/unrealandy_1_4544_e7c08cf9ebfe04f681c2e8f00f352da5.JPG


秘訣一:不要輕信「網上報價」!自己去問最清楚!

嘩~有人可能問版主點解第一條秘訣就係倒自己米,明明版主 Eddie 都有做報價但係叫人唔好信報價!其實格價 iPhone 做到第三年,網上資料我心裡有普可信性幾高,你話如果網上專頁真係準既話,版主們就坐係度轉載資料就得啦,仲點解要花時間去問。另一樣野就係就算係版主都唔可能短時間問晒所有先達既鋪頭再寫稿,想要實時報價就一定要快,可能同實際放機有時差,當然會有差距。

所以放機第一樣野要做既就係唔好懶,亦都唔好怕去問!問到價錢唔合心意可以唔放,但唔問上網睇就只能靠估。順帶一提,今日見到有個「專頁」既報價係可以上下限差 $4,000 ,我問極都問唔到佢個上限價,希望我唔係 Like 錯平行世界既 Page 啦
icon

//timgm.eprice.com.hk/hk/mobile/img/2014-09/19/179271/unrealandy_1_4544_880d55024f7bad23fbbe783245597980.JPG
▲最重要係問,因為門口寫既價錢未必 100% 準,第一日因為波幅較大,佢地轉牌都比較密,第二日開始就有少少唔同架啦!

秘訣二:買 iPhone 者場內收機!價錢有得傾!

除左問鋪之外,亦都會有肯用高價買 iPhone 既人係場內問價,等你放部機俾佢,尤其係見到排隊放機既人群就會去問價,不過呢個行為係極度令先達收機店主反感,所以往往會在「電梯位置」等比較開放地方進行,不過收機既人都唔係傻既,當然係想用一個比「先達 iPhone 6 賣價」更低既價錢入手,但係現時 iPhone 6 回收價同埋賣價差幾百,可能無乜著數。同想買 iPhone 6 者放機,最大既好處就係收機者通常會肯慢慢傾,睇下有冇方法一家便宜兩家著囉。

//timgm.eprice.com.hk/hk/mobile/img/2014-09/19/179271/unrealandy_1_4544_8a14dc6051d555d0cc9e9821266da210.JPG
▲今日都有唔少想買 iPhone 6 既「散戶」係呢個位置問價,講唔講到價有時仲要睇下網友既語言能力夠唔夠

秘訣三:場外「回收區」場面混亂!價錢可高可低!

經開先達,就一定會知道百老匯門口既「回收區」,有時呢個地方回收價會比先達高少少,今日見到先達某些鋪停收的時侯,他們仍然努力收機。大家見到場面係相當混亂,不過既然是先達的必經之地,大家經過既時侯可以嘗試問價。老實講這裡的回收價變動比起先達更快,有心水價錢亦可以考慮在門口放機。然而版主必須要提提大家,先達放機係比較安全,係街外放機因為無得認鋪,就算收到假鈔/發生問題都難以追究,這也是風險一部份啊icon

//timgm.eprice.com.hk/hk/mobile/img/2014-09/19/179271/unrealandy_1_4544_bd366d40db0ceeffd61920fec5cd4d17.JPG
▲沒錯場內是很混亂,但未必回收價比較低,有時場內話唔收既貨佢地都會肯收

秘訣四:留意價錢波幅!需求隨時有變!

別再問版主 iPhone 6 的回收價會不會升,我可以答你:唔知道。但在去年 iPhone 5s 炒賣有段時期 iPhone 回收價上升了一陣子,原因是需求突然上升。而那個時侯早收到料的鋪會用高 $300 去收機。網友們不要小看 $300 ,因為場內波幅有 $500 ~ $600 就已經很誇張(尤其在這個價錢透明的時代)。

//timgm.eprice.com.hk/hk/mobile/img/2014-09/19/179271/unrealandy_1_4544_46b585055ae9c8a8a0e2c7bbf3bb6691.JPG
▲問多幾間,以往試過場內波幅可以達到 $600 ~ $800 ,甚至 $1,000

秘訣五:不要太大貪!見好就收!

得得得,網友唔好鬧住,版主 Eddie 一向都係「淡友」,係冇大家睇得咁樂觀。就好似今日咁,iPhone 6 回收價可以一日內跌 $1,500 ,場內明顯貨量「水浸」,就算大陸有客源消化亦需要時間,Hold 機最多平手走係冇太大風險,但係唔係人人可以花得起時間睇住報價吧?之前話 iPhone 可以賺 $4,000 ~$5,000 實在太誇張,由 iPhone 4s 開始都好難做到,網友們不要太貪心,見好就收吧。我知道大陸某些地方或者會開高價,但我認為不值得鋌而走險去做。

//timgm.eprice.com.hk/hk/mobile/img/2014-09/19/179271/unrealandy_1_4544_aad1f7be6e9d27f52f2e13e8ab74ca24.JPG
▲ 場內已經有貨擺出來賣,他們也不會用比賣價更高的回收價,網友心裡應該有個普
 

iPhone 6 、 iPhone 6 Plus 入手消息(9月 20 更新):

香港、澳洲連線! iPhone 6 / 6 Plus 開賣直擊

邊度放機放得多?iPhone 6 / 6 Plus 網友實時收機報價
iPhone 6 開賣甚瘋狂! 百老匯炒貴一萬蚊
iPhone 6 / iPhone 6 Plus 旺角先達回收價最新匯報 (中午版)
【放風停收 】iPhone 6 Plus 先達價錢企穩!iPhone 6 恐慌性拋售?
【大局已定?】iPhone 6 貨量太多!回收價一日跌 $1,500!
 

iPhone 6、 iPhone 6 Plus  版主、網友評測分享(9月20 更新):

iPhone 6、iPhone 6 Plus 版主上手!新舊 iPhone 簡單拼!
網友開箱! iPhone 6 與 iPhone 6 Plus 近距接觸
解像度、可視角度、顏色如何?iPhone 6 / 6 Plus 屏幕拼 Android

在文章發佈的時侯, iPhone 6 定價 $5,588 起,按此看詳細規格和最新賣價。
在文章發佈的時侯, iPhone 6 Plus 定價 $6,388 起,按此看詳細規格和最新賣價。

想知道 iPhone 6 、 iPhone 6 Plus 開賣時第一手消息?記得 Bookmark 我地既 iPhone 6 買機攻略!

最新新聞