csl. 推 iPhone 6/ iPhone 6 Plus 儲值卡套裝!
上次版主 Keith 同大家分享過對 SmarTone 的 iPhone 6/iPhone 6 Plus 的睇法,老實講貴 $200 去換一張只用到 500MB 不到的儲值卡真是有點浪費,咁樣 csl. 的儲值卡套裝又點呢?而家係 csl. 賣緊的iPhone 6 與 iPhone 6 Plus 儲值卡套裝是原價加 $298 有一張 SIM 卡,SIM 卡可以啟動 30 日的 5GB 上網數據、 3500 通話分鐘、無限 Wi-Fi 與 10,000 個網內短訊,這張卡是支援到 Cat.4 速度的 4G LTE 上網,代表最高可以用到 150Mbps 的下載速度。這張 SIM 卡在用完 30 日之後可以再儲值使用,可以用 $88 啟用 1GB/30日的數據服務,而每次儲值會延續 SIM 卡 90 日的有效期。網友們要留意的是 csl. 的 iPhone 6 與 iPhone 6 Plus 套裝雖然寫明只限 The Club 會員專享,不過店員話可以即時入會成為會員,而每個帳戶可以最多購買兩部,代表任何人都可以 Walk-in 入手,但係版主去過荃灣的 csl. 問佢地店員都話儲值卡套裝未番貨,想要自己心水型號可能要問多幾間門市先搵得到。
呢個方法比起 iReserve 係咪更方便呢?版主問過唔同的大鋪,百老匯仍然用炒貴 $300 去賣機,而豐澤雖然都有正價可以入手,不過就經常「斷型號」,未必有自己想要的款式,就算是用正價開賣的 Studio A 今日版主行過都買唔到 64GB 與 128GB 的 iPhone 6 Plus ,相對之下問及旺角的 csl. 店員話暫時所有型號都有貨,的確是比較方便的入手方法。
▲雖然話限 The Club 會員去買,不過店員可以幫你即時登記,代表人人都買到
▲版主今日去睇 Studio A ,佢地都有 iPhone 6 與 iPhone 6 Plus 賣,不過部份型號已經斷貨(沒關係,iReserve 今日去到 6 點都有貨)
$298 買 5GB 數據唔抵?版主心得:等深水埗場價啦
用 $298 去買 5GB 數據卡抵唔抵?或者大家望一望下面個上台價就知道,其實呢個價錢同上台用月費差不多,要玩 4G LTE 速度儲值卡的話中移動 5GB 體驗卡場價都在 $150 左右,如果用 $298 正價入套裝儲值卡講真唔係太抵玩啦。大家可以期待深水埗的 SIM 檔會有得賣(雖然呢刻版主仍然未搵到)。就好似當年 One2Free 連 iPhone 賣的 1 個月 3G 上網卡原價 $200 ,場內大約 $150 有交易;版主認為這張原價 $298 的 4G LTE 上網卡在場內能以 $200 入手,都是一個不錯的選擇。比較擔心的是 iPhone 6 與 iPhone 6 Plus 在先達內回收價已經要「倒蝕」,唔知幾時先會見到有呢張卡見身。而家要買 iPhone 6 同 iPhone 6 Plus 實在太簡單,會唔會仲有人去 csl. 買借值卡套裝呢?定係大家覺得比 $298 唔使簽約去「試用」 csl. 的 4G LTE 係抵玩呢?留言講講吧!
電訊商 | 中移動 | csl. | SmarTone | 3HK | csl. iPhone 6 儲值卡 |
價錢 | $266 | $316 | $316 | $286 | $298 |
通話分鐘 | 無限 | 無限 | 4000 分鐘 | 3500 基本 + 2000網內 |
3500 分鐘 |
數據量 | 6GB | 6GB | 6GB | 5GB | 5GB |
▲講起 5GB 數據應該唔少人諗起中移動呢張 30 日體驗版,場價大約 $150 ,包 30 日的 4G LTE 上網(過 5GB 之後會限速),還有 1800 分鐘本地通話
在文章發佈的時侯, iPhone 6 定價 $5,588 起,按此看詳細規格和最新賣價。
在文章發佈的時侯, iPhone 6 Plus 定價 $6,388 起,按此看詳細規格和最新賣價。