回收 iPhone、iPad 計劃引入香港!回收前必知 7 件事版主話你知

Eddie 2015-04-01 11:27 | Apple
尋日先同大家講完 Apple 既回收 iPhone 、iPad 計劃大陸開始左,但香港未有消息,隔左一日版主就發現香港官網已經有 iPhone 與 iPad 的回收計劃,雖然今日係愚人節,但係呢個消息確確實實係真的,至於收幾錢?回收範圍有咩機?版主都去左 Apple Store 同大家問清楚。

//timgm.eprice.com.hk/hk/mobile/img/2015-04/01/201549/unrealandy_3_4544_54694f013a789c7a7cd11b5529b44d4c.jpg

Apple 回收 iPhone 、iPad 計劃正式引入香港!5 件你要知道的事

早前同大家報導過, Apple 會啟動 iPhone 與 iPad 的回收計劃,只要將舊的 iPhone / iPad 攞去 Apple Store ,然後比店員估價,就會得知回收價錢。而回收果筆錢並不會以現金退回,而是可以用優惠價去購買新機,下面有 7 件事你一定要知:

1. 係咪咩型號都可以去進行回收計劃?

答:Apple 方面表示,回收機型有限制, iPhone 是由 iPhone 4 起的機款,iPad 的話是 iPad 2 以及 iPad Mini 2 以後的機款,所以版主手上的 iPad Mini (初代)回收唔到。

2. 水貨機/大陸機可唔可以 Trade-in

答:Apple 店員講過,要回收之前首先要 Check 機身編號,然後再睇部機係咪適用於香港的回收計劃,換句話說回收的手機是有一定限制,就版主所知道歐美的水貨和大陸賣的機款都唔適用於呢個計劃。

3. 回收價點樣去定?

答:之前同大家講左,係由 Apple 店員去幫忙估價,佢地首先會輸入機身編號,然後從屏幕、相機、外觀、上網等 6 個範圍去 Check 機,如果其中一個部份唔過,都照樣可以回收,但當然會影響回收價。

4. 換句話說? Apple 連壞機都收?

答:版主問過,壞機的話佢地照收,但係唔會有價值的。(姐係冇錢可以退),要去回收的話,最少要入到 System 然後睇到機身編號啊!

5. 回收之後筆錢可以點用?

答:只可以用來買 iPhone 或者 iPad ,而不可以買 MacBook 或者其他 Apple 產品。

6. 回收價如何?靚價嗎?

答:以版主接近全新的 iPad Mini 2 (32GB Wi-Fi),過晒任何檢查去計,只收到 $960 ,比起先達更低,絕對唔係靚價。

7. 既然價唔靚,點解要去 Apple 做回收?

答: Apple  表示,整個計劃是為了去支持環保,但佢地冇提到舊機將會如何利用。果然支持環保係需要代價的icon

網友討論:價錢唔靚 Apple 「環保」回收計劃你點睇?

見到呢個價,版主都唔會咁低能去問大家會唔會走去 Apple 放機,畢竟大家放機最主要目的都係為左「錢」麻,雖然 Apple 店員冇提到回收番黎既 iPhone / iPad 會去左邊,但係大家都知道 Apple 一直有賣翻新貨品(除左 iPhone 以外),將來會唔會有「平靚正」既 Apple 翻新 iPhone 係網上賣呢?這才是最打擊「先達」生意的一個重點啊,大家都要密切留意!網友們又有咩睇法呢?留言講兩句吧!

最新新聞