iPhone 都要跑數!法院踢爆蘋果霸道營商、涉威脅網絡商谷銷量!

YKer 2015-06-24 17:14 | Apple
蘋果手機 iPhone 6 / 6 Plus 長賣長有,貨源充足。但台灣卻爆出蘋果醜聞,涉及蘋果公司在台的銷售手法。原因係所有網絡商對蘋果產品既綁約機價,都要事先取得蘋果公司批准,先可以推出市面。蘋果公司變相操控市場價格! 台灣法院對此判罰 2000 萬新台幣。但其實,蘋果公司係香港既情況都係咁,但又有幾多人知道和討論呀?

蘋果以銷售權作籌碼 要求網絡商跑數!
眾所周知,蘋果對旗下產品從版權到技術,保護意識都非常強,但這個意識更延伸至銷售市場。蘋果在台灣被踢爆既情況係,利用擠壓銷量的方式是以經銷權做籌碼,方法恆之有效,早在 5s 時代也用過同樣招數。授權手機網絡商門市若未達銷量目標,可能導致吊銷經銷權,將來就咩蘋果產品都唔使賣啦!而過去數月以來,台灣 iPhone 6 / 6 Plus 機型的銷售目標,早已通告全台灣經銷門市,各店為了迎接新 iPhone、要保住「金蘋果」招牌,只好拼命催谷銷量務求跑夠數。

04.jpg

蘋果公司會派出神秘顧客,喬裝成消費者上門,評估門市人員推廣 iPhone 的積極性。但令人驚訝係,若門市推廣力道不夠強、未有將 iPhone 列為優先推薦的機型?呵呵,就獲得差評,未來該店的蘋果銷售權也恐將因此受影響。蘋果作為手機界大哥級別既廠商,竟然仲會用呢種用銷售權作威脅既手法,你覺得好驚訝咩?

香港情況不遑多讓 同樣備受操控
其實蘋果公司係香港既做法相若,基本上並非行內秘密。有網絡電訊業人士透露,蘋果公司要求所有 iPhone 銷售月費定價,均需經過蘋果公司審查,才可以獲得通過並推出市面。而且,蘋果的控制甚至包括網絡商既廣告設計,都需要統一風格,得到蘋果的首肯才獲得放行。這也就是為什麼 iPhone 在上台方面,價格始終企硬不跌,iPhone 長炒長有的其中一個最大因素,因為蘋果這樣的做法,無疑是操控市場。這次台灣法院就這種銷售手法判罰蘋果公司,可算是給消費者一種警醒。

香港目前未有相關法例監管呢類霸道營商模式,最近似既消委會又會唔會做下野呢? 電話費貴,電話更貴! 網友們對於蘋果操控市場呢個判罰又點睇呢?


消息來源:CNA NEWS

最新新聞