「大粉」賺錢不再， 128GB 版分分鐘要蝕住放！
係開賣到而家之後， iPhone 6s 以及 6s Plus 的回收價已經不能再用「邊款最炒得」來看待了，反而係「邊款無用低於原價收」會較為合理。來到十一國慶，不少朋友原以為 iPhone 6s / 6 Plus 的回收價會因為多左大陸人來港而有所回升，但從先達現時的回收價看來，呢種睇法不過係一廂情願，實情係細機繼續無得炒，好多鋪頭經已停收（嚴格來說回收價都已經變成蝕本價，真係自用好過），只有大機先比較有機會避免損手離場。就大機回收價來講，而家發展相信會係有點令大家意外的，因為一向放機保證「大粉」回收價跌勢相當強勁，同星期一「大粉 64」以及「大粉 128」仍然有機會賺過千相比，目前「大粉」的回收價竟然有可能比其他顏色還要低！以「大粉 64」為例，現時的回收價只係得返大約 $7650 左右，跌左差不多近七百蚊，比起其他顏色的回收價都只係高 $50 蚊。而「大粉 128」就跌得更誇張，有鋪頭只係收 $8050 ，即係比定價還要低！但係「大粉」都要損手的時候，反而「大黑 128」以及「大白 128」的回收價會比起玫瑰金高，約有 $8200 到 $8700 左右。版主個人就覺得而家仲炒 iPhone 其實已經不再著數啦，上星期都仍然有若干款色大家知道會係穩賺的，但到而家無乜肉食不特止，連回收價較高的「大粉」都「冧價」，反映而家回收價相當不穩定，損手機會更大。
▲ 以大機 64GB 來講，四隻色的回收價都已差不多了（但不代表款款都收）。
▲ 回收價常有波動，而家連「大粉」都不再有著數了。
▲ 而家先達仍然有收機的鋪頭減少左，但有賣 iPhone 6s / 6s Plus 的鋪頭卻多了不少⋯⋯
大鋪貨量愈來愈多，豐澤可以 walk in 買金色 iPhone 6s ！
之前版主 Keith 就提到，不用食炒價但以易賞錢會員卡作為分流方式的豐澤已貼出告示，可以到指定的分店 walk in 買到 iPhone 6s ，但當時就只係有太空灰以及銀色兩款可選擇。不到一個星期，豐澤又再放寬了限制，除左指定有售的分店增至 45 間之外，亦都可以買到金色，相信係不久之後可以直接買到 iPhone 6s Plus 也不是問題了。
▲ 對於想以正價即時入手 iPhone 6s 的朋友來講，揀 灰、金、銀都不是問題了。
iPhone 6s / 6s Plus 開售搶購秘技專集
一條 Link Click 入即買新 iPhone
一條 Link Click 入即買全新 iPad Mini 4
一條 Link Click 入即買 Apple Watch
版主教你點樣 Cut 單、退蝕本 iPhone 6S
大舖天價賣 iPhone 6s 太驚嚇
25/9 下午：iPhone 6s 回收價回升
iPhone 開賣，回收價即時報
版主一手開箱：iPhone 6s 與 6 Plus
iPhone 6s Plus 極速實試及 Hands On
iPhone 6s 開售! 話你知邊度有得買+參考價錢
小心中伏! 網絡商買 iPhone 6S 揀錯 Plan 蝕一千
教你應付 iPhone 6s 爆芒後的最佳處理方法
成像更靚！iPhone 6s Plus 實機試拍相片搶先睇
首賣 iPhone 無人理？中聯通大搞 6s／ 6s Plus 發售活動
大件事！iPhone 6S 太多貨，網絡商未出先傾銷?
iPhone 6s 銷量無減反增? 睇下 Apple 點講.....
版主教你 6 個步驟，超快係 AOS 搶 iPhone 6S