加強防塵防水功能
首先，有傳 iPhone 7 將會加強防塵防水功能。其實本身 iPhone 6s 系列已經有防塵防水功能，之前甚至有網友將佢部 iPhone 6s 同 iPhone 6s plus 放入水裏面測試 1 個鐘，結果顯示部機並無明顯嘅損壞。不過咁，放入水中 1 個鐘之後唔壞唔代表無問題嘅，某品牌嘅防水手機都唔可以完全防水啦! 不過既然 iPhone 6s 系列放入水中 1 個鐘都無明顯損壞的話，如果 iPhone 7 再將佢嘅防水功能優化，咁會唔會可以做到完全防水呢?
▲ 早前有網民將 iPhone 6s 同 iPhone 6s plus 放入水中測試 1 小時的片段。
曲面屏幕 + 「折疊屏幕」
日前網上亦有流傳一張疑似 iPhone 7 嘅設計圖，圖中顯示，iPhone 7 將會採用曲面設計嘅屏幕，據外媒消息指出，Apple 早於 2013 年已申請了「弧面觸摸屏技術專利」，除了包括曲面屏幕外， iPhone 7 亦傳會有兩個屏幕，正面一塊，背面一塊，兩個屏幕互相配合，某程度上都可以叫做「折疊屏幕」。
▲ 網上流出疑似 Apple 嘅 iPhone 7 設計圖。
6 片式鏡頭 + 3D Touch
iPhone 6s 同 iPhone 6s plus 都採用了 5 片式鏡頭，其拍照效果已經好令人滿意。不過有傳聞指出，iPhone 7 已向零售商訂購 6 片式鏡頭，有望會在 iPhone 7 上用到，相信如果真係用到嘅話，咁佢影出黎嘅相將會更加靚。另外， iPhone 6s 同 iPhone 6s plus 其中一個賣點係 3D Touch，據聞 iPhone 7 將會繼續使用 3D Touch 功能，並會提升 3D Touch 嘅作用，或者未來基於 3D Touch 可取代 iPhone 部份原有的按鍵。
▲ iPhone 6s 系列採用 5 片式鏡頭，未來或會改用 6 片式鏡頭，使拍照效果更理想。
唔知大家睇完目前有關 iPhone 7 嘅介紹，你覺得佢啲功能實唔實用? 如果俾機會你同 Apple 嘅研究人員俾意見，你會想 iPhone 7 上有咩新功能呢? 不如你地都講下啦!
來源：ValueWalk | 中時電子報