iPhone 6s/ 6s Plus 邊到最抵?比拉大細鋪、電訊商!
係人都知,之前 CMHK 係銅鑼灣分店開張時所做的「即減 $1600」係 iPhone 6s / 6s Plus 咁耐以來最勁的劈價,之後相信都未必有咁抵玩,但 CMHK 個優惠始終係限量嘅,唔係個個買到。所以今次版主會同大家分享下對比大鋪、電訊商、細鋪以及 Apple 認可經銷商幾方面,邊間會係最抵玩。基本上,而家幫在大鋪入手 iPhone 6s 同 6s Plus 不太著數。目前衛訊係 iPhone 6s 同 6s Plus 都未有更多減價,主要仍然係 6s Plus 的 16GB 版本可以做到最多減 $300。另一間有減的豐澤就更唔抵玩了,雖然豐澤話就話優惠高達 $550 ,但現時豐澤優惠內容其實同以往分別不大,主要係有個別型號(好似係 iPhone 6s Plus 16GB 太空灰)可以賣價可以平 $100 ,其他優惠額都是從信用卡回贈、易賞錢積分以及手機殼價值計出來。
係大鋪買 iPhone 唔著數,但來到電訊商方面就算係幾抵玩了。如果要買淨機的話, Smartone 同埋 CMHK 都會有平。呢排 Smartone 開左網店,不少手機都有「超級優惠」, iPhone 6s/ 6s plus 都有平,但只係平兩百,相對 CMHK 就差得遠。不過, CMHK 各款最少平 $400 又唔夠 csl 平。因為 csl 有更多機款可以減足 $500 ,包括 128GB 的 6s 同 64GB 的 6s Plus 。但如果真係要最平價的話,大家可以留意下深水埗鴨寮街細鋪。因為有細鋪早一陣子已經做緊「即減優惠」,最多可以減到 $638 。版主留意過,跟電訊商減價一樣,平得最多會係 128GB 版本 iPhone 。
▲ 首先係豐澤,機價實際只係減得 $100 ,平得當然唔多。
▲ 係衛訊方面, iPad Mini 3 可以做到「即減 $1500」但係 iPhone 6s/6s Plus 卻減得不多。
▲ csl 以可以減到 $500 ,以電訊商淨機價而言係比較抵玩的選擇。
▲ 深水埗有細鋪早排已經做緊「即減高達 $638」優惠,當中以 128GB 版本 iPhone 6s/6s Plus 平最多。
還是 iPhone 5s 最抵玩?第二輪更吸引的「即減 $1100」來了!
睇完上文的朋友,應該會 X 聲四起,因為相比起之前劈價錢大鋪、電訊商推出的 iPhone 減價,而家情況其實都差不多。不過,之前已經做緊大減價的 iPhone 5s ,而家又有得用更平的價錢入手了!以 iPhone 5s 來講,最先減價兼減得最多嘅就會衛訊的「即減 $900」。到左呢排,除左有豐澤加入之外,亦都輪到 Sunion 減得更多,當中 16GB 版本近來做緊 $2798 ,足足減左 「$1100」!不過,而家呢個時候又是否值得入手 iPhone 5s 都係一個好令人頭痛的問題呢!▲ 繼衛訊之後,豐澤都有 iPhone 5s 減價,好處係 32GB 都有份,但 16GB 版本就唔係最平。
▲ SUNION 最新 iPhoen 5s 16GB 版本價錢可以做到 $2780 ,平左 $1100 之多。可惜版主問過, 32GB 版本佢哋已經無賣了。