3HK 推「$1600 淨機折扣」， iPhone 最抵玩？
首先可以要講左先，今次 3HK 推出的折扣並無 Samsung Galaxy Note 4 、 Note Edge 份，所以準備入手或已入手的朋友不用擔心。另外，劈價後價錢勁吸引的 HTC One A9 係今次 3HK 優惠之中都明顯不及 SmarTone 抵，有意買 A9 的朋友都唔使怕！3HK 今次推出的優惠，同其他對手好似 csl 同 SmarTone 相比，最明顯的不同係一定要上台先用到。但為左追上而家電訊商兼營賣機呢個潮流，所以 3HK 呢個優惠內容就係，用家要選用 4G LTE SIM 月費計劃同先簽兩年約，先可以「享用」呢個「淨機折扣」。所以， 3HK 的淨機折扣同其他台相比，其實係有不同的。所以，即使 3HK 的淨機折扣比起 SmarTone 更多，好似 Galaxy Note 5 (64GB)可以減到 $1100 ， LG V10 可以減到 $1400 ，Sony Z5 Premium 就成為減最多的一部機，有即減 $1500 。但在需要「出 SIM」呢個前題下，其實 3HK 個優惠都未必係咁抵。
不過，係 iPhone 方面就可能唔同講法，因為 3HK 淨機折扣，係比起其他電訊商都要多的！以 SmarTone 為例，雖然部份機款係其網上商店可謂「平通街」，但係 iPhone 6s 以及 6s Plus 都只係減得兩百蚊。而 3HK 的 iPhone 折扣就可以做到最多平 $600 ，機款包括有 128GB 的 iPhone 6s 以及 64GB 同 128GB 的 iPhone 6s Plus 。所以簡單來講，雖然 3HK 最新的「淨機優惠」其實係一個變相上台 Plan ，同 Smartone 網店或者 csl 的淨機價可以話「無得比」。但係如果單以機價來計， iPhone 6s/6s Plus 又真係「3仔」做到最抵玩，唔知之前搶唔到 CMHK 「即減 $1400」 iPhone 6s/6s Plus 的朋友，又會唔會有興趣呢？留言講講吧！
來源：3HK 官網