中聯通香港「新年換新機」,最平 Samsung 手機五嚿水有找!
今次中國聯通香港可以話「打突擊」,昨晚先係 Facebook 宣佈今日會有淨機優惠,而優惠內容亦都相當「震撼」!當中主角不得不提 iPhone 5c 8GB 版本。雖然 Apple 係 iPhone 6s 推出之後,已經將 iPhone 5c 從網上商店下架(當時賣價為 $3488)。實在估唔到,中聯通竟然仲有貨,價錢係 $1980 ,成為左今次優惠之中唯一一部 iPhone 以及最貴的手機。除左 iPhone 5c 之外,其他「新年換新機」選擇仲有 Samsung 的 Galaxy A3 ,以 $1299 呢個價錢平賣。同樣係 Samsung 的手機仲有 Grand Prime 以及 Ace 2 ,前者價錢你 $999 以及 $499 。另外仲有屬於 HTC 的 Desire 616 ,賣價係 $999 。以現時的標準來講,基本上呢堆 Android 手機都屬於「唔係人用」的範疇,屏幕一定唔會有 FHD 就預左,係硬件方面所有機款都無一部有多個 1GB RAM 同埋 8GB 內置容量,相機主鏡頭都只有 800 萬像素。當中賣價最平,五百蚊有找的 Galaxy Ace 2 更加係 2012 年推出,實在好難想像過左四年之後仲賣到。雖然話「百貨應百客」,但恐怕以上機款都應唔到多少客吧⋯⋯
▲ 見到中聯通香港用左「送舊迎新」呢個 hashtag ,實在忍唔住大笑⋯⋯不知有幾多網友手上的手機會比起以上呢堆歷史悠久的「新機」還要舊呢?
最後,呢個新年換「新機」優惠(實在想唔通以上呢堆 2014 年或以前推出的手機有幾新)係今日( 2 月 4 號)舉行,只限深水埗福華街可以買到。唔知大家又會唔會籍呢個機會「送舊迎新」呢?留言講講吧!